مۇزدىڭ قالىڭدىعىن تۇسىنە قاراپ انىقتاۋعا بولادى -قۇتقارۋشى

мұз
Фото: pexels

  مۇزدىڭ قاۋىپتى جەرىن تۇسىنە قاراپ انىقتاۋعا بولادى. بۇل تۋرالى الماتى قالاسىنىڭ وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا ق ر ت ج م رەسپۋبليكالىق جەدەل-قۇتقارۋ جاساعىنىڭ سۇڭگۋىر-قۇتقارۋ بولىمشەسىنىڭ باسشىسى اندرەي بىبچەنكو ايتتى، دەپ حابارلايدى Kazinform.

اندرەي بىبچەنكونىڭ سوزىنشە، قىس مەزگىلىندە توتەنشە جاعدايلاردىڭ نەگىزگى سەبەپتەرى: بالىق اۋلاۋ كەزىندە مۇزداعى قاۋىپسىزدىك تالاپتارىن ساقتاماۋ، جۇقا مۇز ۇستىمەن كولىكپەن ءجۇرۋ جانە بالالاردى ەرەسەكتەردىڭ قاراۋىنسىز قالدىرۋ.

سونىمەن قاتار، سپيكەر مۇزدىڭ بەرىكتىگىن تۇسىنە قاراپ انىقتاۋعا بولاتىنىن جەتكىزدى.

«مۇزدى تۇسىنە قاراپ بىلۋگە بولادى. ەڭ بەرىك مۇزدىڭ ءتۇسى ءمولدىر، كوگىلدىر نەمەسە كوك بولادى. ال سۇر، سارى، جاسىل، باسقا تۇستەر مۇزدىڭ جۇقا ەكەنىن بىلدىرەدى. مۇزدىڭ قانشالىقتى بەرىك ەكەنىن بۇرعىلاۋ جانە قالىڭدىعىن ولشەۋ كەزىندە عانا جۇرگىزۋگە بولادى. ەگەر مۇزداعى قار جامىلعىسى بولسا، وندا سۋ قويمالارىندا، سونداي- اق قىسقى بالىق اۋلاۋ كەزىندە بەلگىلى ءبىر قاۋىپسىزدىك ەرەجەلەرى بار. تاياق الىپ جۇرگەنىڭىز جاقسى. جاياۋ سەرۋەندەۋ كەزىندە ءسىز مۇزدىڭ بەرىكتىگىن تاياقپەن ۇرىپ كورۋ ارقىلى انىقتاي الاسىز. سونداي-اق، مۇزدا بولۋى مۇمكىن شۇڭقىرلار مەن كەدەرگىلەردى بىلە الاسىز»، - دەدى اندرەي بىبچەنكو.

سوڭعى جاڭالىقتار