مۋزارت توبىندا ەڭ جاسى ۇلكەن كىم ەكەنى بەلگىلى بولدى
«مۋزارت» توبىنىڭ مۇشەسى ساكەن مايعازيەۆ توپتاعى ەڭ جاسى ۇلكەن ءانشى كىم ەكەنىن ايتتى.
ساكەن مايعازيەۆ ونەردەگى ارىپتەستەرىمەن كەزدەسكەندە مەيرامبەك بەسبايەۆتىڭ وزىنەن ەكى جاس كىشى ەكەنىن ايتتى.
ول بۇل تۋرالى رينات گايسيننىڭ مەملەكەتتىك سىيلىعىن اتاپ وتۋگە ارنالعان كەشتە مالىمدەدى. ول ءوزىنىڭ «مۋزارت» توبىنداعى جاسى ۇلكەنى ەكەنىن اتاپ ءوتتى.
«كەشە ءجاميلا سەركەبايەۆانىڭ كەرەمەت كونسەرتىنەن كەيىن رينات گايسين دوسىمىزدى «پاراسات» وردەنىمەن قۇتتىقتاپ قايتتىق»، - دەدى ساكەن مايعازيەۆ.
ەسكە سالايىق، بۇعان دەيىن ساكەن مايعازيەۆ «ءبىرىنشى مەيرامبەككە بەرىڭدەر» دەپ «ق ر ەڭبەك سىڭىرگەن مادەنيەت قايراتكەرى» اتاعىن الماي قويعان بولاتىن.
ءانشى ساكەن مايعازيەۆ «ەڭبەك سىڭىرگەن مادەنيەت قايراتكەرى» اتاعىنان نە ءۇشىن باس تارتقانىن ەسكە الدى.
بۇل تۋرالى ءانشى «حابار» تەلەارناسىنداعى «كومپرومات» باعدارلاماسىندا جاۋاپ بەرگەن بولاتىن.
«ءبىر كەزدەرى ساكەن مايعازيەۆكە «ەڭبەك سىڭىرگەن مادەنيەت قايراتكەرى» دەگەن اتاق بەرىلۋى كەرەك بولىپتى. ساكەن باس تارتىپتى، «مەنىڭ الدىمدا ءبىرىنشى مەيرامبەككە بەرىڭدەر، بولماسا اتاقتارىڭ وزدەرىڭە» دەپتى دەگەن اڭگىمە ءجۇر. بۇل قانشالىق راس؟»، - دەپ سۇرادى جۋرناليست.
ساكەن مايعازيەۆ بۇل بولعان وقيعا ەكەنىن ايتتى.
«بالەنباي جىل بۇرىن ايدار دەگەن جىگىت حابارلاستى، «جاس وتاننان». ماعان «اتاق ۇسىنايىق دەپ ەدىك، قوعامدا بەلسەندىسىز، ونەردە ورنىڭىز بار، اتاق ۇسىنعالى جاتىرمىز» دەگەن كەزدە «كوڭىل بولگەندەرىڭىزگە، سەنىم ارتقاندارىڭىزعا راقمەت» دەپ ەدىم «وندا وسىنداي كەزدە بەلگىلى ءبىر ورىنعا كەلىپ، الىپ كەتەسىز» دەدى. «الىپ كەتەسىز» دەپ جەكە ايتىپ تۇر ەكەن، مەن «مۋزارت» جايلى ايتىپ تۇر ەكەن دەپ ويلادىم. «مەيرامبەك، ءبارىمىز بە؟» دەپ ەدىم، «جوق، ءسىز عانا» دەدى. «وندا كەشىرىڭىز، مەيرامبەك، توقتارلار مەنىڭ الدىمدا الدەقايدا ەڭبەك ءسىڭىردى. ءتىپتى دوسىمجان، ساياتتار مەنىڭ الدىمدا قانشاما تەر توكتى، لۇقپان جولداسوۆتار تۇرعان كەزدە كەشە كەلە سالىپ، اتاق الۋعا دايىن ەمەسپىن، لايىق ەمەسپىن. ءبىرىنشى جىگىتتەر السىن، سودان كەيىن الامىن» دەدىم. نيەتىمە قاراي مەيرامبەك «ەڭبەك سىڭىرگەن قايراتكەردى» الدى، ءبىر جىلدان كەيىن ماعان ۇسىندى»، - دەيدى ءانشى.
