چەمپيوندار ليگاسى: «ورداباسى» كومانداسىنىڭ العاشقى قارسىلاسى انىقتالدى

استانا. KAZINFORM - بۇگىن، 18-ماۋسىمدا شۆەيتساريانىڭ نون قالاسىندا 2024/2025-جىلعى ماۋسىمداعى چەمپيوندار ليگاسى ءبىرىنشى ىرىكتەۋ كەزەڭىندە قازاقستاندىق «ورداباسى» مولدوۆانىڭ «پەتروكۋب» كومانداسىمەن وينايدى.

اتالعان كوماندا 1999-جىلى قۇرىلعان. بيىل العاش رەت مولدوۆا چەمپيونى اتاعىن جەڭىپ الدى.

شىمكەنتتىك ۇجىم بىلتىر العاش رەت قازاقستان چەمپيونى اتاندى. ودان بۇرىن 2017، 2019-جىلداردا قولا جۇلدەگە قول سوزدى.

«ورداباسى» بۇدان بۇرىن ەۋروپا ليگاسى جانە كونفەرەنسيا ليگاسى تۋرنيرلەرىندە باق سىنادى.

سونداي-اق بۇگىن 18:00 دە ەۋروپا ليگاسى ءبىرىنشى ىرىكتەۋ ساتىسىنداعى «توبىلدىڭ» قارسىلاسى بەلگىلى بولادى.

اتالعان تۋرنيردە ەلوردالىق «استانا» كومانداسى ەكىنشى ىرىكتەۋ ساتىسىنان باستايدى.

ال 19:00 دە كونفەرەنسيا ليگاسى ءبىرىنشى ىرىكتەۋ ساتىسىنىڭ جەرەبەسى تارتىلادى.

وعان ەلىمىزدىڭ اتىنان «اقتوبە» كومانداسى قاتىسادى.