ميرزيەيەۆ ب ۇ ۇ باس حاتشىسىنا «ولي داراجالي دۋستليك» وردەنىن تابىستادى

әлем
فوتو: وزبەكستان پرەزيدەنتىنىڭ باسپا ءسوز قىزمەتى

تاشكەنت. KAZINFORM - وزبەكستان استاناسىنداعى «كوكساراي» رەزيدەنسياسىندا ب ۇ ۇ باس حاتشىسى انتونيۋ گۋتەرريشتى الەمدە كەلىسىم مەن ىنتىماقتى بەلسەندى ىلگەرىلەتۋدەگى ەڭبەگى، ۇيىم قىزمەتىنىڭ تيىمدىلىگىن ارتتىرۋ، سونداي-اق، وزبەكستان مەن ب ۇ ۇ اراسىنداعى ىنتىماقتاستىقتى نىعايتۋ جولىنداعى قىزمەتى ءۇشىن وزبەكستاننىڭ ەڭ جوعارى مەملەكەتتىك ناگراداسىنىڭ ءبىرى - «ولي داراجالي دۋستليك» وردەنىمەن ماراپاتتاۋ ءراسىمى ءوتتى.

بۇل تۋرالى وزبەكستان پرەزيدەنتىنىڭ باسپا ءسوز قىزمەتى حابارلادى.

ماراپاتتى تاپسىرۋ كەزىندە وزبەكستان مەن ب ۇ ۇ اراسىنداعى ىنتىماقتاستىقتىڭ قازىرگى جوعارى دەڭگەيىنە انتونيۋ گۋتەرريشتىڭ قوسقان ۇلەسى ايرىقشا اتالدى.

гутерриш
فوتو: وزبەكستان پرەزيدەنتىنىڭ باسپا ءسوز قىزمەتى

باس حاتشىنىڭ جاھاندىق جانە وڭىرلىك ماڭىزى بار كەڭ اۋقىمدى رەفورمالار مەن باستامالاردى، سونداي-اق رەسپۋبليكاداعى ب ۇ ۇ ينستيتۋتتارىنىڭ قىزمەتىن كەڭەيتۋدى تولىق قولدايتىنى ءسوز بولدى.

аа
فوتو: وزبەكستان پرەزيدەنتىنىڭ باسپا ءسوز قىزمەتى

ب ۇ ۇ كوشباسشىسىنىڭ حالىقارالىق قاۋىپسىزدىك پەن تۇراقتىلىقتى نىعايتۋ، جاھاندىق باسقارۋ ينستيتۋتتارىن رەفورمالاۋ، تۇراقتى دامۋ ماقساتتارىنا قول جەتكىزۋ، كليماتتىڭ وزگەرۋىمەن كۇرەسۋ، «جاسىل» جانە سيفرلىق دامۋ، ازىق-تۇلىك جانە ەنەرگەتيكالىق قاۋىپسىزدىكتى قامتاماسىز ەتۋدەگى ۇزاقمەرزىمدى كۇش-جىگەرى اتاپ ءوتىلدى.

оо
فوتو: وزبەكستان پرەزيدەنتىنىڭ باسپا ءسوز قىزمەتى

اۆتور
جاراسقان نۇرىبايەۆ

سوڭعى جاڭالىقتار