مەيرامحانادا قىزداردى ۇرىپ-سوققان الماتى اكىمدىگىنىڭ قىزمەتكەرى جۇمىستان قۋىلدى
الماتى. KAZINFORM - الماتى مەيرامحانالارىنىڭ بىرىندە قىزداردى ۇرىپ-سوقتى دەپ ايىپتالعان ءدىلمۇرات وماروۆقا قاتىستى قالا اكىمدىگى تۇسىنىكتەمە بەردى.
الماتى قالاسى اكىمدىگىنىڭ باسپا ءسوز قىزمەتى اتاپ وتكەندەي، ءدىلمۇرات وماروۆ 2022 -جىلدىڭ قاراشاسىنان بەرى الماتى قالاسى جاستار ساياساتى ماسەلەلەرى باسقارماسىنىڭ باس مامانى قىزمەتىن اتقارعان.
«اتالعان جاعدايدان كەيىن د. وماروۆ بيىل 19-اقپاندا ءوز ەركىمەن جۇمىستان بوساتۋ تۋرالى ارىز بەرىپ، ءوتىنىشتى كادر قىزمەتى قابىلداپ، ق ر «مەملەكەتتىك قىزمەت تۋرالى» قاۋلىسىمەن د. وماروۆ قىزمەتىنەن بوساتىلدى»، - دەپ حابارلادى قالالىق اكىمدىكتەن.
الماتى قالالىق پوليتسيا دەپارتامەنتى جاراقات فاكتىسى بويىنشا سوت-مەديتسينالىق ساراپتاما تاعايىنداعانىن مالىمدەدى.
«ەر ادام ۇستالدى. ونىڭ ارەكەتىنە قۇقىقتىق باعا بەرىلەدى. شەشىم قابىلداۋ ءۇشىن ءىس سوتقا جىبەرىلەدى»، - دەپ حابارلادى الماتى قالالىق پوليتسيا دەپارتامەنتىنىڭ باسپا ءسوز قىزمەتىنەن.
اۆتور
الما مۇقانوۆا
