مينيسترلىك قازاقستانداعى تۇرمە رەجيمى ەڭ ءجيى بۇزىلاتىن مەكەمەلەردى اتادى
استانا. KAZINFORM - ىشكى ىستەر مينيسترلىگى Kazinform ساۋالىنا جولداعان جاۋاپتا ەلدەگى تۇرمە رەجيمى ەڭ ءجيى بۇزىلاتىن مەكەمەلەردى اتاپ كورسەتتى.
- 2024 -جىلى تۇزەتۋ مەكەمەلەرىنىڭ رەجيمىن بۇزۋدىڭ 1090 فاكتىسى تىركەلدى. سونداي-اق تۇرمە رەجيمىن بۇزۋدىڭ ەڭ كوپ فاكتىسى اقمولا وبلىسىنداعى 5-مەكەمە، قوستاناي وبلىسىنداعى 38-مەكەمە، الماتى وبلىسىنىڭ 12-مەكەمەسىندە تىركەلدى، - دەپ جازادى مينيسترلىكتەگىلەر.
ۆەدومستۆو مالىمەتىنە سايكەس، كەيىنگى 5 جىلدا تۇزەتۋ مەكەمەلەرىندە رەجيم ءتارتىبىن بۇزۋ جاعدايلارىنا توقتالساق:
2022 -جىلى - 6672
2023 -جىلى - 8748
2024 -جىلى - 1090
2025 -جىلى (1-قاڭتاردان بەرى) - 769 فاكتى تىركەلگەن.
سونداي-اق، ۆەدومستۆو ماماندارى تۇرمە رەجيمىن بۇزۋدىڭ ەڭ ءجيى تىركەلەتىن تۇرلەرى قانداي ەكەنىن دە ايتتى.
- قىلمىستىق اتقارۋ جۇيەسىنىڭ بارلىق مەكەمەلەرىندە ۇزدىكسىز بەينەباقىلاۋ ەنگىزىلگەن. اتاپ ايتۋ كەرەك، سوتتالعاندار تاراپىنان نەگىزىنەن كۇن ءتارتىبى مەن ۇستاۋ رەجيمىن بۇزۋ تىركەلەدى، - دەپ جازىلعان جاۋاپتا.
اۆتور
ەسىمجان ناقتىباي
