مينيسترلىك استاناداعى ينتەرنەت ساپاسىن قالاي ارتتىرماق
استانا. KAZINFORM - سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ەلوردادا ينتەرنەت ناشار ۇستايتىن 67 ورىندى انىقتادى. ونىڭ ىشىندە 52 ورىندا پروبلەما شەشىلگەن.
ۆەدومستۆودا وتكەن بريفينگ بارىسىندا بەلگىلى بولعانداي، استانانىڭ 41 تۇرعىن ءۇي كەشەنىندە ينتەرنەتتىڭ ساپالى جۇمىس ىستەۋى ءۇشىن قاجەتتى تەحنيكا مونتاجدالعان.
سونداي- اق، 7 تۇرعىن ءۇي كەشەنى بويىنشا شارت جاسالعان، تاعى 13 تۇرعىن ءۇي كەشەنى تۇرعىندارىمەن كەلىسىمگە قول جينالىپ جاتىر.
ودان بولەك، مينيسترلىك 6 تۇرعىن ءۇي كەشەنىندە ينتەرنەت ساپاسىن ارتتىرۋ بويىنشا بالاما شەشىم تابۋى كەرەك دەپ وتىر، ويتكەنى تۇرعىندار راديوفوبياعا بايلانىستى تەحنيكانى ورناتۋدان باس تارتقان.
ەسكە سالا كەتەيىك، بىلتىر شىلدەدە بۇرىنعى سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين استانا ينتەرنەت جىلدامدىعى بويىنشا توكيونى باسىپ وزادى دەگەن ەدى.
