21:12, 03 - ماۋسىم 2024 | GMT +5
مينيسترلىك پاريجدەگى وليمپياداعا باراتىندارعا قاۋىپسىزدىككە قاتىستى كەڭەس بەردى
استانا. KAZINFORM - سىرتقى ىستەر مينيسترلىگىنىڭ رەسمي وكىلى ايبەك سمادياروۆ پاريجدەگى وليمپياداعا باراتىندارعا قاۋىپسىزدىككە قاتىستى كەڭەس بەردى.
«وليمپياداعا باراتىن ازاماتتارىمىزعا كەڭەس بەرگىم كەلەدى. سپورتتىق ءىس- شاراعا كەلەتىن ادامدار وتە كوپ بولاتىندىقتان، جەرگىلىكتى بيلىك قاۋىپسىزدىك شاراسىن كۇشەيتەتىنى انىق. ولاردىڭ تالابىن مۇلتىكسىز ورىنداۋ كەرەك. ارينە، ەڭ الدىمەن قاۋىپسىزدىك تۋرالى ويلانۋ قاجەت. كەز كەلگەن جاعدايدا دەرەۋ پاريجدەگى ەلشىلىگىمىزگە حابارلاسۋ قاجەت. ءبىز ولارعا كومەكتەسەمىز»، - دەدى ا. سمادياروۆ مينيسترلىكتە وتكەن اپتالىق باسپا ءسوز ءماسليحاتىندا.
ايتا كەتەيىك، فرانسيا استاناسىنداعى وليمپيادا ويىندارى 26-شىلدە -11-تامىز كۇندەرى وتەدى.
