مينيستر ەلىمىزدە جاڭادان قاي اۆتوكولىك تۇرلەرى شىعارىلاتىنىن جاريالادى

Қарлапаевнат Ша
فوتو: اقوردا

استانا. KAZINFORM - ەلىمىزدەگى ەكى قالادا اۆتوكومپونەنتتىك بازانى دامىتۋ بويىنشا جوبالار پىسىقتالىپ جاتىر. بۇل تۋرالى ق ر ونەركاسىپ جانە قۇرىلىس ءمينيسترى قانات شارلاپايەۆ ءمالىم ەتتى.

«اۆتوموبيل جاساۋدا اۆتوكولىك قۇراستىرۋدىڭ نەعۇرلىم كۇردەلى دەڭگەيىنە كەزەڭ-كەزەڭمەن كوشۋ جونىندە شارالار قابىلدانىپ جاتىر. اۆتوكولىك وندىرۋشىلەرىنىڭ الدىندا شاعىن توراپتى قۇراستىرۋ ۇلەسىن 2027 -جىلعا قاراي جالپى ءوندىرىس كولەمىنەن 50 پايىزعا دەيىن ۇلعايتۋ بويىنشا مىندەتتەمەلەر تۇر. بيىلدىڭ وزىندە ءبىز شامامەن 20 پايىزعا، كەلەسى جىلى - 30 پايىزعا، ال 2026 -جىلى 40 پايىزعا جەتكىزۋگە ءتيىسپىز»، - دەدى ق. شارلاپايەۆ پارلامەنت ماجىلىسىندەگى ۇكىمەت ساعاتىندا.

ونىڭ ايتۋىنشا، قوستاناي جانە الماتى قالالارىنداعى شاعىن ونەركاسىپتىك ايماقتاردىڭ الاڭدارىندا اۆتوكومپونەنتتىك بازانى دامىتۋ بويىنشا جوبالار پىسىقتالىپ جاتىر. ورىندىقتار ءوندىرىسى مەن قىتاي اۆتوموبيلدەرىن شىعاراتىن كوپ برەندتى زاۋىت سالۋ جوباسى جۇزەگە اسىرىلىپ وتىر. بۇدان باسقا، كولىكتەرگە ارنالعان پلاستيكالىق بولشەكتەر مەن مۋلتيمەديالىق جۇيەلەر وندىرەتىن كاسىپورىنداردى پايدالانۋعا بەرۋ جوسپارلانعان.

«2026 -جىلعى 1-قاڭتاردان باستاپ دانەكەرلەۋ جانە بوياۋ جونىندەگى وپەراتسيالار قازاقستان اۋماعىندا وندىرىلەتىن ءاربىر اۆتوموبيل برەندىندە قامتىلادى. 2027 -جىلعا قاراي شاعىن توراپتى قۇراستىرۋ ادىسىمەن شامامەن 200 مىڭ اۆتوموبيل شىعارۋ جوسپارلانعان. سونىمەن قاتار، وندىرىلگەن اۆتوموبيلدەر جەلىسى «سارىارقااۆتوپروم» ج ش س Jetour (2024 -جىلى) ماركاسىمەن تولىقتىرىلىپ، چەحيالىق «Skoda» كومپانياسىمەن كەلىسسوزدەر جالعاسىپ جاتىر. بۇدان بولەك، «Astana Motors» كومپانيالار توبى 2025 -جىلعا دەيىن ىسكە قوسىلۋى جوسپارلانعان وندىرىستىك جەلىنى ۇيىمداستىرۋ ءۇشىن «Changan» ،«Chery» ،«Haval» سەكىلدى قىتايلىق تانىمال برەندتەردى تارتتى»، - دەدى مينيستر.

اۆتور
رۋسلان عابباسوۆ

سوڭعى جاڭالىقتار