مينيستر ەلوردالىقتاردان ينتەرنەت ساپاسى ءۇشىن كەشىرىم سۇرادى

интернет
Фото: Фото: Солтан Жексенбеков/Kazinform

 سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ەلورداداعى ينتەرنەت ساپاسى ءۇشىن قالا تۇرعىندارىنىن كەشىرىم سۇرادى، دەپ حابارلايدى Kazinform. 

«ناقتى ءار جاعدايدى جەكە قاراستىرۋ قاجەت. دەگەنمەن، قازىرگى ۋاقىتتا 5G تەحنولوگياسىن جاپپاي ورناتۋ جانە سوعان كوشۋ ءجۇرىپ جاتىر. بازالىق ستانسالار اكەلىندى نەمەسە اكەلىنىپ جاتىر. پروتسەسس جۇرۋدە»، - دەدى مينيستر «Digital Bridge 2023» حالىقارالىق تەحنولوگيالىق فورۋمى اياسىنداعى بريفينگتە.

وسى رەتتە ول ينتەرنەتتىڭ ساپاسىز بولعانى ءۇشىن ەلوردالىقتاردان كەشىرىم سۇرادى.

«اتالعان سەرۆيستەردى ورناتۋ جانە باپتاۋ بارىسىندا قيىندىقتار تۋىنداۋى مۇمكىن. ارينە، تۇرعىنداردان كەشىرىم سۇرايمىز. مەنىڭشە، بۇل ۋاقىتشا قۇبىلىس. موبيلدى بايلانىس وپەراتورلارى جىلدىڭ سوڭىنا دەيىن ەلوردادا جانە الماتىدا جاعدايدىڭ تۇزەلەتىندىگىنە ۋادە بەرىپ وتىر»، - دەدى باعدات مۋسين.

سوڭعى جاڭالىقتار