ميدىڭ قارتايۋىن باياۋلاتاتىن بىرنەشە ءونىم اتالدى

لينكولن مەن يللينويس شتاتىنداعى نەبراسكا ۋنيۆەرسيتەتىنىڭ عالىمدارى ميدىڭ قارتايۋىن باياۋلاتاتىن بىرنەشە تاماقتانۋ ءونىمىن انىقتادى. زەرتتەۋ ناتيجەلەرى Nature Aging ماقالاسىندا جاريالانعان.

медицина
Фото: m.pln24.ru

عالىمدار ميدىڭ دۇرىس قارتايۋىنا ىقپال ەتەتىن قورەكتىك زاتتارعا ەيكوزاپەنتاەن قىشقىلى مەن جوكە قىشقىلى كىرەتىنىن انىقتادى. بۇل قىشقىلدار، مىسالى، بالىق، ۇلۋ، زىعىر تۇقىمدارى، چيا مەن اسقاباق داندەرىندە، كۇنباعىس شەمىشكەسىندە جانە گرەك جاڭعاعىندا كەزدەسەدى.

"كوپتەگەن جەمىستەر مەن كوكونىستەرگە ءتۇس بەرەتىن ءۇش ءتۇرلى كاروتينويد پەن فيتوپيگمەنتتەر ميدىڭ باياۋ قارتايۋىنا ىقپال ەتەدى. كاروتينويدتارعا باي ونىمدەرگە اسجاپىراق، قىرىققابات، جۇگەرى، بولگار بۇرىشى (قىزىل، جاسىل نەمەسە سارى) ، قىزاناق، قاربىز، گرەيپفرۋت، قاۋىن، بروككولي جانە ءسابىز جاتادى"، - دەلىنگەن ماقالادا.

سونىمەن قاتار، زەرتتەۋشىلەر ماڭىزدى زاتتارعا ە دارۋمەنى مەن ءحوليندى جاتقىزدى. بىرىنشىسىنە باي ديەتالىق تاعامدارعا جاڭعاقتار، داندەر جانە وسىمدىك مايلارى جاتادى، ولاردىڭ ەداۋىر بولىگى جاسىل جاپىراقتى كوكونىستەر مەن بايىتىلعان ءداندى داقىلداردان كەلەدى.

حولين ەت، قۇس ەتى، بالىق جانە جۇمىرتقا سياقتى جانۋارلاردان الىناتىن اقۋىزداردا، سونداي-اق كىرەس ءتارىزدى كوكونىستەر مەن كەيبىر بۇرشاقتىلاردا كەزدەسەدى، دەلىنگەن ماقالادا.

Massaget.kz

سوڭعى جاڭالىقتار