مىڭ بوياۋلى بۋراباي: تىلشىلەر تابيعي پاركتىڭ تىنىس-تىرشىلىگىمەن تانىستى
ق ر پرەزيدەنتى ءىس باسقارماسىنا قاراستى «بۋراباي» مەملەكەتتىك ۇلتتىق تابيعي پاركىنە باسپا ءسوز ساپارى ءوتتى، دەپ حابارلايدى قازاقپارات.

ساپار اياسىندا ب ا ق وكىلدەرى ق ر پرەزيدەنتى ءىس باسقارماسىنا قاراستى «بۋراباي- دامۋ» ج ش س ۇيىمداستىرۋىمەن ءوتىپ جاتقان ءداستۇرلى «بۋراباي تۇقى-2023» تۋرنيرىن تاماشالادى.
بالىقشىلار جارىسىندا قازاقستاننىڭ تۇكپىر-تۇكپىرىنەن كەلگەن كوماندالار قوتىركول كولىنەن تۇقى بالىعىن اۋلاپ جارىسىپ جاتىر.
- بۇل تۋرنير بۇرىن ەلىمىزدىڭ وزگە وڭىرلەرىندە وتەتىن. بيىل اقمولا وبلىسىندا العاش رەت ۇيىمداستىرىلىپ وتىر. ەرەجە بويىنشا، ءار كوماندا ەكى بالىقشىدان تۇرادى. ءبىزدىڭ جارىسقا ەلىمىزدىڭ كوپتەگەن وبلىستارىنان 30 كوماندا كەلدى، - دەدى «بۋراباي- دامۋ» سەرىكتەستىگىنىڭ تۋريزم جانە ماركەتينگ ءبولىمىنىڭ باس مەنەدجەرى ولجاس دانياروۆ.
سايىس ەرەجەسى بويىنشا، بالىقشىلار ۇستاعان بالىعىن سۋرەتكە ءتۇسىرىپ، سالماعىن ولشەپ، قازىلاردىڭ ەسەبىنە تىركەتكەن سوڭ، بىردەن سۋعا جىبەرەدى. قازىلار سالماعى 1,5 كيلودان اساتىن بالىقتاردى عانا ەسەپكە الادى. بۇگىن تاڭعى 7:00-دە باستالعان ەرتەڭ تاڭعى 10:00-دە مارەگە جەتۋگە ءتيىس.
سونداي-اق، «مىڭ بوياۋلى بۋراباي» باسپا ءسوز ساپارى اياسىندا ب ا ق وكىلدەرى «ميرنىي» ورمان شارۋاشىلىعىنا بارىپ، ۇلتتىق پارك قىزمەتكەرلەرىنىڭ جانۋارلارعا قىسقى جەمشوپ دايىنداۋ بارىسىمەن تانىستى. اسكانيا بۇعىلارىنىڭ تىنىس- تىرشىلىگىن باقىلادى.
ۇلتتىق پاركتىڭ اعا عىلىمي قىزمەتكەرى ەۆگەني ارحيپوۆ جۋرناليستەرگە فوتوتۇزاق ورناتۋ ادىستەرىن كورسەتتى.
- فوتوتۇزاق ارقىلى جەرگىلىكتى اڭ-قۇستاردىڭ سانىن، ءوسىمىن، قاي جەرلەردە ءجيى كەزدەسەتىنىن، جالپى تىنىس-تىرشىلىگىن زەرتتەيمىز، - دەيدى عالىم.

ب ا ق وكىلدەرى «بۋراباي» مەملەكەتتىك ۇلتتىق تابيعي پاركىنىڭ قۇرىلىمدىق ءبولىمى سانالاتىن مارال شارۋاشىلىعىنا باردى. شارۋاشىلىقتا 200 باسقا جۋىق اسەم جانۋار بار. بارلىق بۇعى- مارالدارعا ۇنەمى ۆەتەرينارلىق باقىلاۋ جاسالادى. پانتوتەراپيا ورتالىعىنا قاجەتتى ەمدىك ءونىم الىنادى.