موڭعوليانىڭ سىرتقى قارىزى 7,4 پايىزعا ءوستى

استانا. قازاقپارات - 2024 -جىلى موڭعوليانىڭ جالپى سىرتقى قارىزى 37,1 ميلليارد ا ق ش دوللارىن قۇراپ، 7,4 پايىزعا ۇلعايدى، دەپ جازادى شينحۋا.

بۇل تۋرالى سارسەنبىدە موڭعوليانىڭ ۇلتتىق ستاتيستيكا كوميتەتى حابارلادى.

- بۇل كورسەتكىشكە تىكەلەي ينۆەستيتسيالار نەمەسە فيرماارالىق نەسيەلەردىڭ 14,4 پايىزعا ءوسۋى اسەر ەتتى، - دەلىنگەن رەسمي حابارلامادا.

كوميتەت تاراتقان اقپاراتقا سۇيەنسەك، موڭعوليانىڭ سىرتقى قارىزىنىڭ شامامەن 46,5 پايىزى تىكەلەي ينۆەستيتسيالار نەمەسە فيرماارالىق نەسيەلەندىرۋگە تيەسىلى، ال 21,2 پايىزى - موڭعوليا ۇكىمەتىنىڭ جالپى قارىزدارى، ال قالعان بولىگى ورتالىق بانك پەن باسقا جيناقتاۋ مەكەمەلەرىنىڭ قارىزدارى سانالادى.

بۇل رەتتە دۇنيەجۇزىلىك بانك ساراپشىلارى 2025 -جىلى تاۋ-كەن ونەركاسىبىنىڭ ءوسۋى جانە ىشكى سۇرانىستىڭ ارتۋى ەسەبىنەن موڭعوليا ەكونوميكاسى 6,5 پايىزعا وسەدى دەپ بولجاپ وتىر.

بۇعان دەيىن حابارلانعانداي، موڭعوليادان تابىلعان كونە تۇرىك بىتىكتاسىنداعى جازۋلار وقىلدى.