موڭعوليانىڭ ەكىنشى ايماعىندا وبا اۋرۋىنىڭ تارالۋىنا بايلانىستى شەكتەۋلەر ەنگىزىلدى
استانا. KAZINFORM - موڭعوليانىڭ حوۆد ايماعىنىڭ بيلىگى وبا اۋرۋىنىڭ كۇدىكتى جاعدايلارى تىركەلۋىنە بايلانىستى جاپپاي ءىس-شارالارعا ۋاقىتشا شەكتەۋ قويىپ، مەكتەپتەردى قاشىقتان وقىتۋ فورماتىنا كوشىردى. بۇل تۋرالى ت ا س س حابارلادى.
- ءبىزدىڭ ايماقتىڭ بۋلگان ەلدى مەكەنىندە وباعا ءتان بەلگىلەرى بار ناۋقاستار انىقتالدى. وسىعان بايلانىستى ايماق اكىمى جاپپاي ءىس- شارالارعا ۋاقىتشا شەكتەۋ ەنگىزىپ، مەكتەپتەردە وقىتۋدى قاشىقتان جۇرگىزۋدى تاپسىردى. وبا ىندەتىنىڭ تارالۋىنا جول بەرمەۋ ءۇشىن دەزينفەكتسيا جانە الدىن الۋ جۇمىستارى جۇرگىزىلىپ جاتىر، - دەدى جەرگىلىكتى اكىمدىكتە.
حۋبسۋگۋل ايماعىنىڭ توتەنشە جاعدايلار جونىندەگى كوميسسياسى العاشقى وباعا شالدىققان تۇرعىن قايتىس بولعان مۋرەن جانە ساگاان-ۋۋل ەلدى مەكەندەرىندە ازاماتتاردىڭ قوزعالىسىنا، كولىكتىڭ كىرىپ-شىعۋىنا سالىنعان تىيىم ۇزارتىلعانىن حابارلاعان. سونداي-اق بازارلاردىڭ، ساۋدا ورتالىقتارىنىڭ، قوعامدىق تاماقتانۋ ورىندارىنىڭ جانە الكوگول ساتۋ ورىندارىنىڭ جۇمىسىنا شەكتەۋ قويىلدى.
12-قىركۇيەكتەگى جاعداي بويىنشا وبا جۇقتىرعان ءۇش اداممەن بايلانىستا بولعان 110 ادام دارىگەرلەردىڭ باقىلاۋىندا. دەنساۋلىق ساقتاۋ قىزمەتىنىڭ مالىمەتىنشە، 2025 -جىلعى تامىزداعى جاعداي بويىنشا موڭعوليانىڭ 17 ايماعىنداعى 130 ەلدى مەكەندە بۋبوندى وبانىڭ وشاقتارى تىركەلگەن. 2014 -جىلدان 2024 -جىلعا دەيىن 20 ادامعا وبا جۇعىپ، ولاردىڭ 9 ى كوز جۇمعان.
ايتا كەتەلىك استانادا قازاقستان مەن موڭعوليانىڭ 100گە جۋىق كاسىپكەرى باس قوسقان ەدى.
