موڭعوليانىڭ باسىم بولىگى اق جۇتتان زارداپ شەگىپ وتىر

  موڭعوليانىڭ 20 اكىمشىلىك- اۋماقتىق بىرلىگىندەگى 166 ەلدى مەكەن اق جۇتتان (تابيعي اپات) زارداپ شەكسە، تاعى 81 ەلدى مەكەندەگى جاعداي كۇردەلى بولىپ وتىر. Kazinform اگەنتتىگى بۇل تۋرالى khovar.tj گە سىلتەمە جاساپ حابارلايدى.

«بۇل ەل اۋماعىنىڭ 90 پايىزدان استام بولىگىن قالىڭ قار باسقانىمەن تىكەلەي بايلانىستى»،-دەلىنگەن ەلدىڭ توتەنشە جاعدايلار جونىندەگى باس باسقارماسىنىڭ حابارلاماسىندا.

مامانداردىڭ اتاپ وتۋىنشە، قىس مەزگىلىندەگى ەكسترەمالدى اۋا رايى جاعدايى ادامدارعا ءارتۇرلى اسەر ەتەدى. الايدا كىرىس كوزدەرىن ءارتاراپتاندىرۋعا شاماسى كەلمەي، ەڭ كوپ زارداپ شەگەتىن موڭعوليا مالشىلارى.

ەلدىڭ ۇلتتىق ستاتيستيكالىق كوميتەتىنىڭ مالىمەتىنشە، 2023-جىلدىڭ سوڭىنا قاراي موڭعوليادا جالپى مال باسى 9,1 پايىزعا قىسقارىپ، 64,7 ميلليون باس بولدى.

اق جۇت نەمەسە قىسقى تاقىرشىلىق - جايىلىمدىق ايماقتاردا مالدىڭ قار جامىلعىسىنىڭ استىنان قورەك تابا الماي، سونىڭ سالدارىنان اشتىق پەن سۋىقتان قىرىلاتىن تابيعي اپات.

اۆتور

زارينا تۋعانبايەۆا