موڭعوليالىق قانداسىمىز بايان-ولگي ايماعىنىڭ اكىمى قىزمەتىنە تاعايىندالدى
استانا. KAZINFORM - موڭعوليا پرەمەر-ءمينيسترىنىڭ بۇيرىعىمەن بايان-ولگي ايماعىنىڭ اكىمى قىزمەتىنە زاڭعار ەسەنتاي ۇلى تاعايىندالدى. بۇل تۋرالى Kaznews اقپارات اگەنتتىگى حابارلادى.
اتالعان ب ا ق- تىڭ دەرەگىنە سۇيەنسەك، جاڭادان سايلانعان بايان-ولگي ايماقتىق ازاماتتار وكىلدەرى حۋرالىنىڭ 28-قازان كۇنگى العاشقى ماجىلىسىندە ايماقتىڭ جاڭا اكىمىنە زاڭعار ەسەنتاي ۇلىنىڭ كانديداتۋراسىن قولداپ، موڭعوليا پرەمەر-مينيسترىنە ۇسىنعان بولاتىن.
«موڭعوليا پرەمەر-ءمينيسترىنىڭ وكىمىمەن بۇعان دەيىن ەكى رەت ايماقتىق ازاماتتار وكىلدەرى حۋرالىنىڭ دەپۋتاتى ءارى ايماقتىق دەموكراتيالىق پارتيا باسشىسى قىزمەتىن اتقارعان، سامال كومپانياسىنىڭ ديرەكتورى بولىپ جۇمىس ىستەگەن زاڭعار ەسەنتاي ۇلى بايان-ولگي ايماعىنىڭ اكىمى بولىپ تاعايىندالدى»، - دەپ جازادى موڭعوليالىق ب ا ق.
ايتا كەتەيىك، بۇعان دەيىن قازاقستان موڭعولياعا جەرسەرىك ەكسپورتتايتىنىن جازعانبىز.
اۆتور بەيسەن سۇلتان
