موڭعوليادا تۇراتىن ايگىلى قازاق دارىگەر كوز جۇمدى
كەشە موڭعوليا مەديتسينا عىلىمدارى اكادەمياسىنىڭ اكادەميگى، مەديتسينا عىلىمدارىنىڭ دوكتورى، پروفەسسور انۋار ۇلى نوتا جۇبايى ەنشىباي قىزى بانۋمەن بىرگە جول اپاتىنان قازا بولدى.
بۇل تۋرالى دارىگەردىڭ تۋىس- تۋعاندارى الەۋمەتتىك جەلىدە جازدى. انۋار ۇلى نوتا موڭعوليانىڭ ەڭبەك ەرى اتاعىن العان ساناۋلى قازاقتىڭ ءبىرى. ول موڭعوليانىڭ مەملەكەت قايراتكەرى، حالىق دارىگەرى، موڭعوليانىڭ ەڭبەك سىڭىرگەن ادام دارىگەرى، دۇنيەجۇزىلىك نەيروحيرۋرگيا فەدەراتسياسىنىڭ مۇشەسى، موڭعوليا مەديتسينا عىلىمدارى اكادەمياسىنىڭ اكادەميگى، مەديتسينا عىلىمدارىنىڭ دوكتورى، پروفەسسور، كەڭەسشى نەيروحيرۋرگ، "ا چ" مەديتسينا ۋنيۆەرسيتەتى حيرۋرگيا كافەدراسىنىڭ مەڭگەرۋشىسى، "ا چ" كلينيكالىق اۋرۋحاناسىنىڭ كەڭەسشى دارىگەرى.
انۋار ۇلى نوتا 1945 -جىلى 24-قازاندا دۇنيەگە كەلگەن. 2021 -جىلى موڭعوليا پرەزيدەنتىنىڭ جارلىعىمەن موڭعوليانىڭ ەڭبەك ەرى اتاعىن العان بولاتىن.
