موڭعوليادا جۇتتان 3,9 ميلليوننان استام مال قىرىلدى

Моңғолияның басым бөлігі ақ жұттан зардап шегіп отыр
Фото: asiarussia.ru

استانا. KAZINFORM - بيىل موڭعوليا جۇتتىڭ سالدارىنان 3,9 ميلليوننان استام مالىنان ايىرىلدى.

بۇل تۋرالى ەلدىڭ توتەنشە جاعدايلار جونىندەگى مەملەكەتتىك كوميسسياسىنىڭ حاتشىسى تۋۆشينسايحانى بايارحۋ جەرگىلىكتى ب ا ق وكىلدەرىنە ارنالعان باسپا ءسوز ءماسليحاتىندا مالىمدەدى، - دەپ جازدى شينحۋا اگەنتتىگى.

ونىڭ ايتۋىنشا، مالدىڭ قىرىلۋىنا بيىلعى جۇت سەبەپ بولعان. جەرگىلىكتى بيلىك بۇل جاعدايدى اق جانە تەمىر زۋدى نەمەسە قىسقى جۇت دەپ اتاعان.

اق جانە تەمىر زۋدى - مال قار استىنان تاماق تابا الماي، اشتىق پەن سۋىقتان قىرىلۋعا اكەلەتىن تابيعي اپات.

ازىق-تۇلىك، اۋىل شارۋاشىلىعى جانە جەڭىل ونەركاسىپ مينيسترلىگىنىڭ مالىمەتى بويىنشا، 2023-جىلدىڭ سوڭىنا قاراي موڭعوليادا جالپى مال باسى 9,1 پايىزعا ازايىپ، 64,7 ميلليون باستى قۇرادى.

بۇگىندە مال شارۋاشىلىعى موڭعوليا ەكونوميكاسىنىڭ نەگىزگى سالاسىنىڭ ءبىرى، سونىمەن قاتار 40 پايىزعا جۋىق تابىس كوزى بولىپ وتىر.

سوڭعى جاڭالىقتار