موڭعوليادا 7 ميلليوننان استام باس مال قىرىلدى
استانا. KAZINFORM - موڭعوليادا بارلىعى 7,1 ميلليون مال قىرىلىپ، 5,6 ميلليون مالدىڭ ولەكسەسى جويىلىپ، كومىلگەن. بۇل تۋرالى ەلدىڭ توتەنشە جاعدايلار جونىندەگى باس باسقارماسى حابارلادى.
«اق جانە تەمىر جۇت (قىسقى تاقىرشىلىق) كەزىندە قىرىلعان ءىرىلى- ۇساقتى مال ولەكسەلەرىن جويۋ جانە كومۋ بويىنشا 15-ساۋىردە باستالعان جۇمىستارعا زوونوزدى جۇقپانى زەرتتەۋ ورتالىقتارىنىڭ قىزمەتكەرلەرى، سونداي اق موڭعوليادا مالدىڭ قىرىلۋىنىڭ ەڭ جوعارى كورسەتكىشى تىركەلگەن ايماقتارداعى كوشپەلى مالشىلاردىڭ وزدەرى تارتىلدى»، - دەپ كەلتىردى شينحۋا اقپارات اگەنتتىگى موڭعوليا توتەنشە جاعدايلار ۆەدومستۆوسىنىڭ رەسمي مالىمدەمەسىن.
موڭعوليانىڭ ازىق-تۇلىك، اۋىل شارۋاشىلىعى جانە جەڭىل ونەركاسىپ مينيسترلىگىنىڭ مالىمەتىنشە، 2023 -جىلدىڭ سوڭىنا قاراي ەلدەگى مالدىڭ جالپى سانى 64,7 ميلليون باستى قۇرادى.
