موبيلدى اۋدارىمدى شەكتەۋ كاسىپكەرلەردىڭ تابىسىن جاسىرۋىنا الىپ كەلمەي مە؟
قازىرگى كەزدەگى وزەكتى تاقىرىپتىڭ ءبىرى موبيلدى اۋدارىمعا قاتىستى وزگەرىستەر. موبيلدى اۋدارىمعا ەنگىزىلگەن شەكتەۋ جەكە كاسىپكەرلەرگە زيان تيگىزبەي مە؟
بۇعان قاتىستى ق ر قارجى مينيسترلىگىنىڭ مەملەكەتتىك كىرىستەر كوميتەتى مالىمدەمە جاسادى.
ق ر قارجى مينيسترلىگىنىڭ مەملەكەتتىك كىرىستەر كوميتەتىنىڭ اقپاراتىنا سايكەس، قازىر سالىقتىق مىندەتتەمەلەردى ادال ورىنداۋ الدەقايدا تيىمدىرەك.
«بۇگىندە بيزنەس جۇرگىزۋگە جانە ونى دامىتۋعا قولايلى جاعداي جاسالعان. سالىق رەجيمدەرىنىڭ ءتارتىبى جەڭىلدەتىلدى - سالىق مولشەرلەمەلەرى قىزمەت تۇرىنە بايلانىستى تەك 1-4 پايىزعا دەيىن. ەگەر مۇنداي جاعدايدا كاسىپكەر موبيلدى اۋدارىمدار قابىلداسا، وندا ول قازىردىڭ وزىندە «كولەڭكەدە» قالىپ، سالىق باقىلاۋىنا تۇسەدى. بۇل رەتتە موبيلدى اۋدارىمداردى تەكسەرۋ ادال سالىق تولەۋشىلەرگە اسەر ەتپەيدى.
وسىلايشا، ادىلدىك جانە مىندەتتى سالىق سالۋ پرينتسيپتەرى جۇزەگە اسىرىلادى. ياعني، بارلىق سالىق تولەۋشىلەر تەڭ بولۋى جانە الىنعان تابىستان سالىق تولەۋى ءتيىس»، - دەلىنگەن حابارلامادا.
ايتا كەتەيىك، بۇعان دەيىن ەلدەگى موبيلدى اۋدارىمدارعا قاتىستى ماڭىزدى سۇراقتاردىڭ جاۋابى حابارلانعان بولاتىن.
