موبيلدى اۋدارىمداردى تەكسەرۋ نە ءۇشىن قاجەت

  موبيلدى اۋدارىمداردى تەكسەرۋ زاڭسىز كاسىپكەرلىك قىزمەتتى كولەڭكەدەن شىعارۋعا باعىتتالعان، دەپ حابارلايدى Kazinform.

كەيبىر كاسىپكەرلەر ساتىلعان تاۋارلار نەمەسە قىزمەتتەر ءۇشىن تولەمدى موبيلدى اۋدارىمدار ارقىلى الادى. الايدا بۇل اۋدارىمدار كاسسالىق اپپاراتتاردى، POS- تەرمينالداردى جانە QR- كودتاردى قولدانباي جۇرگىزىلەدى. تيىسىنشە، چەك بەرىلمەيدى جانە تۇتىنۋشىلاردىڭ قۇقىعى بۇزىلادى.

ايتا كەتۋ كەرەك، مەملەكەت بارلىق موبيلدى اۋدارمانى تەكسەرمەيدى.

تەك ءارتۇرلى تۇلعالاردان ءۇش اي قاتارىنان اي سايىن 100 نەمەسە ودان دا كوپ موبيلدى اۋدارىمدار العان تۇلعالار عانا، ياعني، كاسىپكەرلىك قىزمەتتىڭ بەلگىلەرى بايقالعان جاعدايدا تەكسەرۋ جۇرگىزىلەدى.

تۋىستار مەن دوستارعا اقشا اۋدارۋعا بولا ما؟

جەكە تۇلعالار بۇرىنعىداي وزدەرىنىڭ جەكە ماقساتتارى ءۇشىن تۋىستارىنا، دوستارىنا، اتا- انالارىنا، بالالارىنا جانە باسقا دا ومىرلىك جاعدايلارعا بايلانىستى موبيلدى اۋدارىمدار جاساي جانە قابىلداي الادى. بۇعان قاتىستى ەشقانداي شەكتەۋ جوق.

كەيبىر كاسىپكەرلەر تەك قولما-قول اقشامەن تولەم جاساۋدى تالاپ ەتە باستادى. بۇل قانشالىقتى زاڭدى؟

«تولەمدەر جانە تولەم جۇيەلەرى تۋرالى» قازاقستان رەسپۋبليكاسى زاڭىنىڭ نورمالارىنا سايكەس ءتۇرلى تولەم تاسىلدەرى قاراستىرىلعان-بانك كارتاسىمەن، QR تولەمىمەن نەمەسە قولما-قول اقشامەن (25-باپ) .

قولما- قول اقشاسىز تولەمدەردى قابىلداۋدان باس تارتۋ زاڭسىز جانە تۇتىنۋشىلاردىڭ قۇقىعىن بۇزادى.

كاسىپكەرلەردىڭ تولەم كارتوچكالارىن پايدالانا وتىرىپ تولەمدەردى قابىلداۋدان باس تارتقانى ءۇشىن ءبىرىنشى رەت اكىمشىلىك جاۋاپكەرشىلىككە تارتىلىپ، ەسكەرتۋ جاسالادى، ال قايتالاپ بۇزعان جاعدايدا - 147680 تەڭگە (40 ا ە ك) كولەمىندە ايىپپۇل سالىنادى (ا ق ب ت ك- ءنىڭ 194-بابى) .

ەگەر كاسىپكەر قولما-قول اقشاسىز تولەم قابىلداۋدان باس تارتسا، قايدا جۇگىنۋگە بولادى؟

قولما-قول اقشاسىز تولەمدەردى قابىلداۋدان باس تارتۋ فاكتىلەرى تۋرالى تۇرعىلىقتى جەرى بويىنشا مەملەكەتتىك كىرىس ورگاندارىنا جۇگىنۋ قاجەت.

تاكسي جۇرگىزۋشىلەرىنە نە ىستەۋى كەرەك؟ ولار كاسسالىق اپپاراتتى وزدەرىمەن بىرگە الىپ جۇرە المايدى عوي.

جەكە تاسىمالداۋشىلار جەكە كاسىپكەر رەتىندە تىركەلۋى كەرەك. مۇنى «e-Salyq Business»، «egov Mobile» جانە كەيبىر ەكىنشى دەڭگەيدەگى بانكتەردىڭ موبيلدى قوسىمشالارى («Halyq bank» «Kaspi bank» «BankCenterCredit») ارقىلى جاساۋعا بولادى.

بۇل رەتتە قولما-قول اقشاسىز تولەمدەردى قابىلداۋ ءۇشىن ونلاين رەجيمىندە كاسىپكەرلىك بانك شوتىن اشۋعا بولادى، سول جەرگە كورسەتىلگەن قىزمەتتەر ءۇشىن تولەمدەر تۇسەدى. ول ءۇشىن سىزگە تەك سمارتفون قاجەت. كاسسالىق اپپاراتتار مەن POS تەرمينالداردى الىپ ءجۇرۋدىڭ قاجەتى جوق.

بۇل باستاما كاسىپكەرلەردىڭ «كولەڭكەگە» كەتۋىنە اكەلىپ سوقپاي ما؟

قازىرگى تاڭدا سالىقتىق مىندەتتەمەلەردى ادال ورىنداۋ الدەقايدا ءتيىمدى.

بۇگىندە بيزنەس جۇرگىزۋگە جانە ونى دامىتۋعا قولايلى جاعداي جاسالعان. سالىق رەجيمدەرىنىڭ ءتارتىبى جەڭىلدەتىلدى-سالىق مولشەرلەمەلەرى قىزمەت تۇرىنە بايلانىستى تەك %1-4 بولادى.

ەگەر مۇنداي جاعدايدا كاسىپكەر موبيلدى اۋدارىمدار قابىلداسا، وندا ول قازىردىڭ وزىندە «كولەڭكەدە» قالىپ، سالىق باقىلاۋىنا تۇسەدى.

بۇل رەتتە موبيلدى اۋدارىمداردى تەكسەرۋ ادال سالىق تولەۋشىلەرگە اسەر ەتپەيدى.

وسىلايشا، ادىلدىك جانە مىندەتتى سالىق سالۋ پرينتسيپتەرى جۇزەگە اسىرىلادى. ياعني، بارلىق سالىق تولەۋشىلەر تەڭ بولۋى جانە الىنعان تابىستان سالىق تولەۋى ءتيىس.