موبيلدى اۋدارىمدار تەك كاسپيدە ەمەس، بارلىق بانكتەردە باقىلانادى

استانا. KAZINFORM - جالپى كاسىپكەرلىكتە موبيلدى اۋدارىمدى پايدالانۋعا بولمايدى. موبيلدى اۋدارىم - جەكە تۇلعانىڭ قاجەتتىلىگىنە ارنالعان.

мобильные переводы
Коллаж: Kazinform

سوندىقتان كاسىپكەرلىكپەن اينالىساتىن ادامدارعا ءوزىنىڭ بيزنەس ەسەپشوتىن پايدالانۋعا كەڭەس بەرىلەدى. بۇل تۋرالى مەملەكەتتىك كىرىستەر كوميتەتى جەكە تۇلعالاردىڭ كىرىستەرىن اكىمشىلەندىرۋ باسقارماسىنىڭ باس ساراپشىسى ەرسايىن كوپتىلەۋ ۇلى ايتۋدا.

− حالىقتىڭ كوپشىلىگى تەك Kaspi بانك اۋدارىمدارى باقىلاۋعا الىنادى دەپ ويلاۋى مۇمكىن. ءبىراق بۇل باقىلاۋ بارلىق ەكىنشى دەڭگەيلى بانكتەردەگى موبيلدى اۋدارىمدارعا قاتىستى بولماق. بىزدە موبيلدى اۋدارىمداردى باقىلاۋدا ارنايى بەلگىلەنگەن ولشەمشارت بار: ءبىر ايدا 100 نەمەسە ودان دا كوپ تۇلعادان ءۇش اي قاتارىنان موبيلدى اۋدارىم تۇسسە، وسى كىسىلەر سالىق ورگاندارىنىڭ نازارىنا ىلىنەدى. ماسەلەن، قاڭتار ايىندا 100 نەمەسە ودان دا كوپ تۇلعادان اۋدارىم ءتۇستى، اقپان ايىندا تاعى 100 ادامنان جانە ناۋرىز ايىندا 100 ءتۇرلى ادامنان اۋدارىم تۇسسە، مۇندا كاسىپكەرلىكتىڭ نىشانى بار دەگەن ءسوز، − دەدى ەرسايىن كوپتىلەۋ ۇلى اگەنتتىكتىڭ «Bizdin orta» پودكاستىندا.

ەكىنشى دەڭگەيلى بانكتەر ءۇش اي قاتارىنان 100 ءتۇرلى ادامنان موبيلدى اۋدارىم العان ازاماتتار تۋرالى مالىمەتتى مەملەكەتتىك كىرىستەر كوميتەتىنە جىبەرىپ وتىرادى، تيىسىنشە كىرىستەر كوميتەتى كامەرالىق باقىلاۋ جۇرگىزىلەدى.

بۇل رەتتە توي- ساداقا نەمەسە ەمگە اقشا جيناۋ دا موبيلدى اۋدارىم جولىمەن جۇرگىزىلەدى. ولار ارنايى حابارلاما الادى جانە ءوزىنىڭ كاسىپكەرلىكپەن اينالىسپايتىنى جونىندە تۇسىنىك بەرە الادى.

− ولار نەلىكتەن وسى ولشەمشارتتان اسىپ كەتكەنىن، قاي ۋاقىتتا ەمگە قاراجات جيناعانىن تۇسىندىرە الادى. مۇمكىن بولسا ونى دالەلدەيتىن قۇجاتتاردى كورسەتسە، ەش ماسەلە تۋىندامايدى، بۇل سالىقتاندىرۋعا جاتپايدى. ءبىز تەك قانا كاسىپكەرلىك كىرىستەردى انىقتاۋ ءۇشىن موبيلدى اۋدارىمداردى تەكسەرىپ جاتىرمىز. ال ەگەر شىن مانىندە كاسىپكەرلىكپەن اينالىسىپ، موبيلدى اۋدارىمدى قولدانىپ كەلسە، مىندەتتى تۇردە جەكە كاسىپكەر رەتىندە تىركەلۋى كەرەك، كاسىپكەرلىكتەن تاپقان كىرىسىن دەكلاراتسيالاپ، 10 پايىز كولەمىندە جەكە تابىس سالىعىن تولەيدى، - دەپ ءتۇسىندىردى ول.

سوڭعى جاڭالىقتار