موبيلدى اۋدارىمدار بويىنشا كاسىپكەرلەرگە تەكسەرۋ جۇرگىزىلمەيدى - قارجى ۆيتسە-ءمينيسترى

ەلىمىزدە موبيلدى اۋدارىمدار بويىنشا كاسىپكەرلەرگە قاتىستى تەكسەرۋ جۇمىستارى جۇرگىزىلمەيدى.

بۇل تۋرالى ق ر قارجى ۆيتسە-ءمينيسترى ەرجان ءبىرجانوۆ ءمالىم ەتتى، دەپ حابارلايدى kazinform.

«كاسىپكەر نەمەسە قىزمەت كورسەتۋشى ساۋدا اينالىمىن كورسەتسە، تۇتىنۋشىعا چەك بەرىلسە، ول POS تەرمينال ارقىلى وتسە، وندا ەشقانداي سۇراقتار تۋىندامايدى. ايتا كەتەيىن، موبيلدى اۋدارىمدار بويىنشا كاسىپكەرلەرگە قاتىستى تەكسەرۋ جۇمىستارى جۇرگىزىلمەيدى. ەسكە سالساق، قازىرگى ۋاقىتتا جەكە كاسىپكەر رەتىندە تىركەلگەن شاعىن بيزنەس وكىلدەرىنە ارنالعان سالىق مولشەرى 1 دەن %4 ارالىعىندا تومەندەدى. بۇل شارا وتكەن جىلى 29- جەلتوقساندا ۇكىمەت قاۋلىسىمەن قابىلداندى»، - دەدى ەرجان ءبىرجانوۆ ۇكىمەت ۇيىندە وتكەن باسپا ءسوز ءماسليحاتىندا.

بۇعان دەيىن ءموبيلدى اۋدارىمدار قانداي جاعدايدا تەكسەرىلەتىنى تۋرالى حابارلاعان ەدىك.

ەلوردالىق مەملەكەتتىك كىرىستەر دەپارتامەنتى وكىلىنىڭ مالىمدەۋىنشە، جەكە تۇلعالار وزدەرىنىڭ تۋىستارىنا، دوستارىنا اۋدارىمدار، اتا-انالار مەن بالالارعا كومەك جانە باسقا دا ومىرلىك جاعدايلار ءۇشىن موبيلدى اۋدارىمداردى جاساپ، قابىلداي الادى.