موبيلدى اۋدارىم مەن ايىپپۇل: تاكسي جۇرگىزۋشىلەرى سالىقتى قالاي تولەيدى

Фото: Polisia.kz
Фото: Polisia.kz

تاكسي جۇرگىزۋشىلەرى سالىق تولەۋگە مىندەتتى. بۇل تۋرالى الماتىنىڭ مەملەكەتتىك كىرىستەر دەپارتامەنتىنىڭ وكىلدەرى وڭىرلىك كوممۋنيكاتسيالار قىزمەتىندە وتكەن بريفينگىدە ءمالىم ەتتى، دەپ حابارلايدى Kazinform.

الماتى قالاسى بويىنشا مەملەكەتتىك كىرىستەر دەپارتامەنتى ءتۇسىندىرۋ جۇمىستارى جانە بايلانىس ورتالىعى باسقارماسىنىڭ باسشىسى ايجان بەكەيەۆا تاكسي جۇرگىزۋشىلەرى سالىقتى قالاي تولەۋى كەرەك ەكەنىن ايتىپ بەردى.

«ەگەر ادام تاكسي قىزمەتىن كورسەتسە، وندا ول تيىسىنشە جەكە كاسىپكەر رەتىندە تىركەلۋى ءتيىس. ءسىز تاكسي اگرەگاتورلارى ارقىلى ارنايى قوسىمشالاردا تىركەلە الاسىز. ونىڭ ءوز پايىزدارى بار. ءسىز e-Salyq Business نەمەسە ياندەكس تاكسيدە جەكە كاسىپكەر رەتىندە تىركەلىپ، باسقا الەۋمەتتىك تولەمدەرمەن بىرگە اي سايىن 1 پايىز تولەي الاسىز. قازىر سالىق مىندەتتەمەلەرىن ورىنداۋ جەڭىلدەتىلدى. ەسەپ بەرۋدى تاپسىرۋ دا جەڭىلدەتىلگەن. QR- كودتاردى ورنالاستىرۋ دا قيىندىق تۋعىزبايدى»، - دەدى الماتى قالاسى بويىنشا مەملەكەتتىك كىرىستەر دەپارتامەنتى ءتۇسىندىرۋ جۇمىستارى جانە بايلانىس ورتالىعى باسقارماسىنىڭ باسشىسى ايجان بەكەيەۆا.

سونىمەن قاتار ول جول-جونەكەي ادام الىپ كەتەتىن كولىك جۇرگىزۋشىلەرى دە سالىق تولەۋى ءتيىس ەكەنىن تىلگە تيەك ەتتى.

مەملەكەتتىك كىرىستەر دەپارتامەنتى جەكە كاسىپكەرلەر مەن جەكە تۇلعالاردى اكىمشىلەندىرۋ باسقارماسىنىڭ باسشىسى نۇرلىبەك ۋسپانوۆتىڭ ايتۋىنشا، تاكسي جۇرگىزۋشىلەرىنە سالىق رەجيمىن قولدانۋدىڭ ارنايى تۇرلەرى بار.

«ءبىز بۇعان دەيىن ايتقانىمىزداي، سالىق رەجيمدەرىن قولدانۋدىڭ ارنايى تۇرلەرى بار. تاكسي جۇرگىزۋشىلەرى ءۇشىن سالىق جۇكتەمەسىنىڭ پايىزى نەبارى 1 پايىز بولاتىن رەجيم وتە ىڭعايلى. ياعني، ادام ءبىر اي بويى تاكسي قىزمەتىن كورسەتىپ، 100 مىڭ تەڭگە تاپسا، ونىڭ 1 پايىز سالىعى - 1000 تەڭگە. وعان قوسا ونىڭ الەۋمەتتىك تولەمدەرى بار. سونىمەن، بۇل قوسىمشا نەسىمەن ىڭعايلى؟ كاسسالىق ماشينا قازىردىڭ وزىندە ورناتىلعان. اي سايىنعى قىزمەتتى ساتىپ الۋ، تولەۋ قاجەتتىلىگى جوعالادى. ياعني، ول تاكسي قىزمەتىن كورسەتە الادى، چەكتى ەلەكتروندى فورماتتا جازىپ، ونى كليەنتكە جىبەرە الادى»، - دەپ اتاپ ءوتتى نۇرلىبەك ۋسپانوۆ.

دەپارتامەنت وكىلدەرى ەگەر قولما-قول اقشاسىز تولەمدەردى قابىلداۋدان باس تارتۋ فاكتىلەرى بولسا، مەملەكەتتىك كىرىس ورگاندارىنا حابارلاۋعا كەڭەس بەردى.

سوڭعى جاڭالىقتار