موبيلدى اۋدارىم بويىنشا سالىقتىق باقىلاۋ قالاي جۇرگىزىلەدى

  بيىل مەملەكەتتىك كىرىستەر كوميتەتىنە بانكتەردەن بانكتىك شوتتارىنا كاسىپكەرلىك قىزمەتكە بايلانىستى اقشا تۇسەتىن ازاماتتار تۋرالى مالىمەتتەر تۇسە باستادى.

كاسىپكەرلىك قىزمەتتى جۇزەگە اسىرۋ بەلگىلەرىن ايقىنداۋ ولشەمشارتى جەكە تۇلعانىڭ ءۇش اي قاتارىنان اي سايىن ءار ءتۇرلى تۇلعالاردان جەكە بانكتىك شوتقا 100 دەن استام اۋدارىم الۋى بولىپ سانالادى، دەپ حابارلايدى Kazinform.

مەملەكەتتىك كىرىستەر كوميتەتىنىڭ مالىمەتىنشە، اقپارات بانكتەردەن كەزەڭ- كەزەڭمەن بەرىلەدى:

1) 2023 -جىلعى 1-قاڭتاردان باستاپ - مەملەكەتتىك قىزمەتشىلەر، ولارعا تەڭەستىرىلگەن ادامدار جانە ولاردىڭ جۇبايلارى بويىنشا (2022 -جىلدىڭ قورىتىندىسى بويىنشا)؛

2) 2024 -جىلعى 1-قاڭتاردان باستاپ - مەملەكەتتىك مەكەمەلەردىڭ، كۆازيمەملەكەتتىك سەكتور سۋبەكتىلەرىنىڭ قىزمەتكەرلەرى جانە ولاردىڭ جۇبايلارى بويىنشا (2023 -جىلدىڭ قورىتىندىسى بويىنشا)؛

3) 2025 -جىلعى 1-قاڭتاردان باستاپ - دارا كاسىپكەرلەر، زاڭدى تۇلعالاردىڭ باسشىلارى جانە ولاردىڭ جۇبايلارى بويىنشا (2024 -جىلدىڭ قورىتىندىسى بويىنشا)؛

4) 2026 -جىلعى 1-قاڭتاردان باستاپ - حالىقتىڭ قالعان بولىگى بويىنشا (2025 -جىلدىڭ قورىتىندىسى بويىنشا) .

بۇگىنگى تاڭدا اقپارات تەك مەملەكەتتىك قىزمەتشىلەر، ولارعا تەڭەستىرىلگەن ادامدار جانە ولاردىڭ جۇبايلارى بويىنشا الىندى.

«باقىلاۋ شارالارى ادال سالىق تولەۋشىلەرگە اسەر ەتپەيدى جانە جاسىرىن كىرىستەر مەن تىركەلمەگەن كاسىپكەرلەردى انىقتاۋعا باعىتتالعانىنا نازار اۋدارامىز. بۇل رەتتە جەكە تۇلعالار وزدەرىنىڭ جەكە ماقساتتارى ءۇشىن ءموبيلدى اۋدارىمدار جاساي جانە قابىلداي الادى (تۋىستارىنا، دوستارىنا اۋدارىمدار، اتا- انالار مەن بالالارعا كومەك، سونداي- اق باسقا دا ومىرلىك جاعدايلار بويىنشا)»، - دەلىنگەن كوميتەت حابارلاماسىندا.