مەتاپنەۆموۆيرۋستى ەمدەۋگە قاجەتتى ءدارى-دارمەك جەتكىلىكتى - س ق-فارماتسيا
استانا. KAZINFORM - كەشە ق ر دەنساۋلىق ساقتاۋ مينيسترلىگى ەل اۋماعىندا مەتاپنەۆموۆيرۋستىق ينفەكسيا جاعدايلارى انىقتالعانىن حابارلادى.
دەرەككە قاراعاندا، بۇل - ونداعان جىلدار بويى الەمدە تارالعان بەلگىلى ۆيرۋس. اعىمداعى ەپيدەميالىق ماۋسىمدا ءبىزدىڭ ەلىمىزدە ونىڭ ۇلەسىنە تۇماۋسىز ۆيرۋستارعا بارلىق وڭ سىنامالاردىڭ %1,6 ى تيەسىلى، مۇنى سانيتارلىق-ەپيدەميولوگيالىق باقىلاۋ كوميتەتى راستاعان.
ال س ق-فارماتسيا قويمالاردا جوعارعى جانە تومەنگى تىنىس جولدارىنىڭ ينفەكسياسىن ەمدەۋگە ارنالعان پرەپاراتتاردىڭ قاجەتتى قورى بار ەكەنىن حابارلادى.
- مىسالى، انتيپيرەتيكالىق پرەپاراتتار، كەڭ سپەكترلى باكتەرياعا قارسى پرەپاراتتار، ارالاس باكتەرياعا قارسى اگەنتتەر، سەلەكتيۆتى اگونيستەر توبىنان برونحوديلاتاتورلار جانە باسقالار. ايماقتىق مەديتسينالىق مەكەمەلەر جەكە قورعانىس قۇرالدارىمەن (ماسكالار، انتيسەپتيكتەر) قامتاماسىز ەتىلگەن.
ناۋقاستار سانى ارتقان جانە مەديتسينالىق ينفراقۇرىلىمعا جۇكتەمە وسكەن جاعدايدا ءبىرىڭعاي ديستريبيۋتور وڭىرلەردىڭ سۇرانىستارىنا جەدەل دەن قويۋعا دايىن، - دەپ جازدى ۆەدومستۆودان.
س ق-فارماتسيا ق ر دەنساۋلىق ساقتاۋ مينيسترلىگىمەن بىرلەسىپ ەپيدەميولوگيالىق جاعدايدى باقىلاۋدى جالعاستىرۋدا جانە ازاماتتاردىڭ دەنساۋلىعىن قورعاۋ ءۇشىن مەديتسينالىق قۇرالدارمەن ۇزدىكسىز جابدىقتاۋدى قامتاماسىز ەتۋگە ءازىر.
ايتا كەتەيىك، كەشە س ق و-دا ءتورت ادامنان مەتاپنەۆموۆيرۋس انىقتالدى.
