مەتاپنيەۆمو ۆيرۋسى قازاقستاندا دا تارالىپ جاتىر
استانا. KAZINFORM - دەنساۋلىق ساقتاۋ مينيسترلىگىنىڭ سانيتاريالىق-ەپيدەميولوگيالىق باقىلاۋ كوميتەتى الەمدە مەتاپنيەۆمو ۆيرۋستىڭ تارالۋى تۋرالى ب ا ق- تاعى سوڭعى جاڭالىقتارعا وراي مالىمدەمە جاسادى.
مونيتورينگكە سايكەس ەپيدەميالىق ماۋسىمنىڭ باسىندا رەسپۋبليكا بويىنشا تۇماۋعا قارسى ەمەس ۆيرۋستارعا 8 مىڭنان اسا ۇلگى زەرتتەلگەن. ونىڭ ىشىندە 22 پايىز - وڭ، ونىڭ ىشىندە پاراگريپپ - 9 پايىز، مس ۆيرۋسى - 23 پايىز، رينوۆيرۋس - 36 پايىز، بوكاۆيرۋس - 6 پايىز، ادەنوۆيرۋس - 12 پايىز، كوروناۆيرۋس - 11 پايىز، مەتاپنيەۆمو ۆيرۋس - 1,6 پايىز.
مەتاپنيەۆمو ۆيرۋس - بۇل كوپتەگەن ەلدەردە، سونىڭ ىشىندە قازاقستاندا، ج ر ۆ ي جانە تۇماۋ اۋرۋلارىنىڭ ماۋسىمدىق ورلەۋ كەزەڭىندە بەلسەندى اينالىمدا بولاتىن، نەگىزىنەن اۋا-تامشى جولىمەن بەرىلەتىن ينفەكسيالاردىڭ باسقا تۇرلەرىمەن قاتار اينالىمداعى كلاسسيكالىق ۆيرۋستاردىڭ ءبىرى.
- قازىرگى ۋاقىتتا قازاقستاندا، بۇكىل الەمدەگىدەي ج ر ۆ ي جانە تۇماۋمەن سىرقاتتانۋشىلىقتىڭ ماۋسىمدىق ءوسۋى تىركەلۋدە. اعىمداعى ەپيدەميولوگيالىق ماۋسىمنىڭ باسىنان بەرى رەسپۋبليكادا ج ر ۆ ي- مەن سىرقاتتانۋشىلىقتىڭ 20 پايىزعا تومەندەۋى بايقالادى، تۇماۋمەن سىرقاتتانۋشىلىق وتكەن ەپيدەميولوگيالىق ماۋسىم كەزەڭىمەن سالىستىرعاندا بۇرىنعى دەڭگەيدە قالدى، - دەپ جازدى ۆەدومستۆودان.
كوميتەت حالىقتى الدىن الۋ شارالارىن ساقتاۋعا جانە ادامدار كوپ جينالاتىن جەرلەردە بايلانىستاردى شەكتەۋگە شاقىرادى، بۇل اسىرەسە سوزىلمالى اۋرۋلارى بار حالىقتىڭ ەڭ وسال توپتارىنا قاتىستى.
- اۋرۋدان ساقتانۋ ءۇشىن ءۇي- جايلاردى ۇنەمى جەلدەتىپ وتىرۋ، ناۋقاس ادامدارمەن بايلانىسىن شەكتەۋ، ولاردى وقشاۋلاۋدى قامتاماسىز ەتۋ، تۇماۋ جانە جرۆي بەلگىلەرى پايدا بولعان كەزدە بالالاردى ۇيدە قالدىرۋ جانە ۇيىمداسقان ۇجىمدارعا (مەكتەپكە دەيىنگى ۇيىمدار، مەكتەپتەر) جىبەرمەۋ اسا ماڭىزدى. ەگەر اۋرۋدىڭ بەلگىلەرى پايدا بولسا، ۋاقتىلى مەديتسينالىق كومەككە جۇگىنگەن ابزال، - دەپ ەسكەرتتى س ە س- تەن.
