«مەرەيلى وتباسى» ۇلتتىق كونكۋرسى باستالدى

 قازاقستاندا جىل سايىن وتەتىن «مەرەيلى وتباسى» ۇلتتىق كونكۋرسىنا قاتىسۋعا ءوتىنىم قابىلداۋ باستالدى. بۇل تۋرالى مادەنيەت جانە اقپارات مينيسترلىگى حابارلادى.

بايقاۋ ادامگەرشىلىك قاسيەتتەردى جانداندىرۋعا، وتباسى مارتەبەسى مەن قۇندىلىقتارىن ارتتىرۋعا باعىتتالعان.

ەڭبەك پەن سپورتتا، شىعارماشىلىق جانە زياتكەرلىك سالالاردا، عىلىم مەن ونەردە جەتىستىكتەرى بار وتباسىلار، سونداي-اق قوعامدىق پايدالى قىزمەتكە بەلسەندى ارالاساتىن وتباسىلار قاتىسا الادى.

كونكۋرسقا قاتىسۋعا وتىنىمدەر 15-مامىردان 15-ماۋسىمعا دەيىن وڭىرلىك كوميسسيالاردا قابىلدانادى.

بايقاۋ ەكى كەزەڭدە وتەدى:

1. اۋداندىق (قالالىق) كەزەڭ (15-ماۋسىمنان 1-شىلدەگە دەيىن) .

2. وبلىستىق (رەسپۋبليكالىق ماڭىزى بار قالالار مەن استانا) كەزەڭ (3-شىلدەدەن 17 -شىلدەگە دەيىن) .

«مەرەيلى وتباسى» ۇلتتىق كونكۋرسىنىڭ لاۋرەاتى اتاعى قازاقستاننىڭ بارلىق وڭىرلەرىنەن تانىلعان 20 ۇزدىك وتباسىعا بەرىلەدى. كونكۋرس لاۋرەاتتارىن سالتاناتتى ماراپاتتاۋ ءراسىمى استانا قالاسىندا وتەدى.

وسى جىلدار ىشىندە كونكۋرسقا قازاقستاننىڭ بارلىق وڭىرىنەن 20 مىڭنان استام وتباسى قاتىستى. بيىل قاتىسۋعا نيەت بىلدىرگەندەر ءوز وتىنىمدەرىن وڭىرلىك كوميسسيالارعا جىبەرە الادى.

تولىق اقپارات 77172741052، 740162، 77785809764 نەمەسە مادەنيەت جانە اقپارات مينيسترلىگىنىڭ رەسمي سايتىندا كورسەتىلگەن.