مۇرنىنىڭ ۇشىن باكتەريا جەپ قويعان بريتاندىق ايەلدى اس سوداسى ولىمنەن اراشالاپ قالعان

استانا. قازاقپارات - مۇرنىنىڭ ۇشىن باكتەريا جەپ قويعان 60 جاستاعى بريتاندىق بەاتريس دجونسون ءومىرىن اس سوداسى ساقتاپ قالعانىن ايتادى. بۇل تۋرالى goodnewsnetwork.org حابارلايدى.  

6 اي بۇرىن بەاتريس اسقازان اۋرۋىمەن اۋىرعان. انگليانىڭ كەنت گرافستۆوسىنداعى تانبريدج- ۋەللس اۋرۋحاناسىنىڭ دارىگەرلەرى ونىڭ سەپتيكالىق شوكقا ۇشىراعانىن انىقتاپ، جاقىندارىنا ونىمەن قوشتاسۋعا از قالعانىن ايتقان.

بەاتريس ءوزىن ءالسىز سەزىنىپ، ءبىر كۇن ىشىندە جاعدايى ناشارلاي باستاعان. ءبىر نارسە دۇرىس ەمەستىگىن ءتۇسىنىپ، ول جەدەل جاردەم شاقىرىپ، 10 مينۋت ىشىندە ونى اۋرۋحاناعا جەتكىزگەن.

«جەدەل جاردەم دارىگەرلەرى كەلگەندە، مەنىڭ قان قىسىمىمدى ولشەي المادى. ولار مەنىڭ ءالى دە ەسىمدى جيناپ تۇرعانىما تاڭ قالدى» - دەيدى ول.

دارىگەرلەردىڭ قولدان كەلگەنىن ىستەگەنىنە قاراماستان، ونىڭ جاعدايى بيكاربونات ناتريى، ياعني اس سوداسى ەنگىزىلگەنشە ناشارلاي بەرگەن. بىرنەشە كۇن وتكەننەن كەيىن بەاتريس عايىپتان ساۋىعىپ، ءبىر اپتادان كەيىن كومادان شىققان.

ءوز-وزىنە كەلگەندە، دارىگەرلەر ونىڭ مۇرنىنىڭ ۇشىن نەكروتيكالىق فاستسيت دەپ اتالاتىن سيرەك باكتەريالىق ينفەكسيا جەپ قويعانىن ايتتى. بۇل ينفەكسيا تەز تارالىپ، ولىمگە اكەلۋى مۇمكىن.