مەرەكە كۇندەرى اۋا رايى قانداي بولادى

استانا. KAZINFORM — «قازگيرومەد» ر م ق الداعى كۇندەرگە ارنالعان اۋا رايى بولجامىن جاريالادى.

سينوپتيكتەردىڭ بولجامىنشا، رەسپۋبليكانىڭ باسىم بولىگىنىڭ اۋا-رايىن سكانديناۆيا تۇبەگىنىڭ اۋداندارىنان سيكلون قالىپتاستىرادى، ونىمەن اۋا-رايىنىڭ تۇراقسىز سيپاتى كۇتىلەدى.

ەلىمىزدىڭ سولتۇستىك-باتىسىندا، سولتۇستىگىندە، ورتالىعىندا جانە شىعىسىندا قار، بۇرقاسىن، 1-2-قاڭتاردا قاتتى ەكپىندى جەل، باتىستا، وڭتۇستىك-باتىستا، رەسپۋبليكانىڭ وڭتۇستىك، وڭتۇستىك-شىعىس وڭىرلەرىندە جاۋىن-شاشىن بولادى (جاڭبىر، قار)، كوكتايعاق بولادى دەپ كۇتىلەدى.

31-جەلتوقساندا ەلىمىزدىڭ وڭتۇستىگىندە، وڭتۇستىك-شىعىسىندا تاۋلى ايماقتاردا قاتتى جاۋىن-شاشىن (جاڭبىر، قار) بولادى دەپ بولجانعان. قازاقستان بويىنشا جەل كۇشەيىپ، تۇمان تۇسەدى دەپ كۇتىلەدى.

ەلىمىزدىڭ باسىم بولىگىندە اۋا تەمپەراتۋراسى: تۇندە باتىستا 5 گرادۋس اياز 5- گرادۋس جىلى، كۇندىز 3 گرادۋس اياز 10- گرادۋس جىلى، سولتۇستىك-باتىستا، سولتۇستىكتە، ورتالىقتا، شىعىستا تۇندە 2-13 گرادۋس ايازعا دەيىن، كۇندىز 7 گرادۋس اياز 2- گرادۋس جىلى، شىعىستا تۇندە جانە كۇندىز 0-8 گرادۋس ايازعا دەيىن جوعارىلاۋى كۇتىلۋدە، وڭتۇستىكتە، وڭتۇستىك-شىعىستا تەمپەراتۋرالىق فوندا كۇرت وزگەرىستەر كۇتىلمەيدى.