مۇرات نۇرتىلەۋ: قازاقستان و ا مەن كورەيانىڭ ونەر سالاسىنداعى كرەاتيۆتى كاسىپكەرلەرىنە الاڭ ۇسىنۋعا دايىن
قازاقستان كورەيا مەن ورتالىق ازيا ەلدەرىنە ونەر سالاسىنداعى كرەاتيۆتى كاسىپكەرلەر ءۇشىن بىرلەسكەن ورتالىقتار قۇرۋدى ۇسىندى. بۇل تۋرالى «ورتالىق ازيا - كورەيا رەسپۋبليكاسى» 16-ىنتىماقتاستىق فورۋمىندا پرەمەر-ءمينيستردىڭ ورىنباسارى - سىرتقى ىستەر ءمينيسترى مۇرات نۇرتىلەۋ ايتتى، دەپ حابارلايدى Kazinform ءتىلشىسى اشحابادتان.
«ءبىزدىڭ ەكونوميكالارىمىزدىڭ ءوسىمىنىڭ جاڭا نۇكتەسىكرەاتيۆتىق يندۋستريا سالاسى بولۋى تيىستىگى ءسوزسىز. وڭتۇستىك كورەيانىڭ تاجىريبەسى كورسەتكەندەي، قازىرگى زامانعى الەمدە كرەاتيۆتى ءوندىرىس ينكليۋزيۆتى ەكونوميكانىڭ قوزعاۋشى كۇشى قىزمەتىن اتقارادى. ءبىز مەديا، كينو، مۋزىكا جانە ديزاين سالالارىنداعى كرەاتيۆتى كاسىپكەرلەر ءۇشىن بىرلەسكەن ورتالىقتار مەن ينكۋباتورلار قۇرۋدى ۇسىنامىز جانە بۇل ءۇشىن ءوز الاڭىڭىزدى ۇسىنۋعا دايىنبىز»، - دەدى قازاقستان سىرتقى ىستەر ءمينيسترى.
مۇرات نۇرتىلەۋ بۇگىنگى فورۋم ورتالىق ازيانىڭ ەنەرگەتيكالىق قۇرىلىمىن جاڭاراتىن جانە بالامالى ەنەرگيا كوزدەرىن دامىتۋ باعىتىندا ترانسفورماتسيالاۋ ءۇشىن ءتيىمدى الاڭ بولاتىنىنا سەنىمدى ەكەندىگىن ايتتى.
قازاقستان وسى سالاداعى جۇيەلى وزگەرىستەردى ىلگەرىلەتۋگە كىرىستى جانە 2060 -جىلعا قاراي كومىرتەگى بەيتاراپتىعىنا قول جەتكىزۋ جونىندەگى ۇلتتىق ستراتەگيانى قابىلدادى. سونىمەن قاتار مەملەكەت باسشىمىز الماتىدا ورتالىق ازيا ەلدەرىنىڭ كليمات جانە جاسىل ەنەرگەتيكا ماسەلەلەرى جونىندەگى جوبالىق كەڭسەسىن قۇرۋدى، سونداي-اق 2026 -جىلى بۇۇ قامقورلىعىمەن وڭىرلىك كليماتتىق سامميت وتكىزۋدى ۇسىندى. ورتالىق ازياداعى ەكولوگيالىق پروبلەمالاردى شەشۋ ىسىندە الەمدىك قوعامداستىقتىڭ كۇش-جىگەرىن شوعىرلاندىرۋداعى ءوڭىردىڭ ءرولىن نىعايتۋعا ارنالعان باستامالارىمىزدى قولدايدى دەپ سەنەمىز»، - دەدى ول.
