مۇرات نۇرتىلەۋ: كيپر -قازاقستاننىڭ ە و-داعى سەنىمدى سەرىكتەستەرىنىڭ ءبىرى

Солтан Жексенбеков/ Kazinform
Фото: Солтан Жексенбеков/ Kazinform

استانا. KAZINFORM - بۇگىن ق ر پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ كيپر رەسپۋبليكاسى سىرتقى ىستەر ءمينيسترى كونستانتينوس كومبوسپەن كەزدەسىپ، ەكىجاقتى بايلانىستىڭ باسىم باعىتتارىن تالقىلادى.

مۇرات نۇرتىلەۋ كيپرلىق ارىپتەسىنە شاقىرتۋدى قابىل الىپ، قازاقستانعا العاشقى رەسمي ساپارمەن كەلگەنى ءۇشىن العىسىن ءبىلدىردى.

- ءسىزدىڭ ساپارىڭىزدى دوستىق پەن ارىپتەستىككە نەگىزدەلگەن ءوزارا ءتيىمدى قارىم-قاتىناستاردى دامىتۋعا جاسالعان يگى قادام دەپ قابىلدايمىز. ءبىز بۇل باعىتتا نيكوسيامەن بىرلەسىپ جۇمىس اتقارۋعا كامىل مۇددەلىمىز. كيپر رەسپۋبليكاسى - قازاقستاننىڭ ەۋروپا وداعىنداعى ماڭىزدى ءارى سەنىمدى ارىپتەستەرىنىڭ ءبىرى. سوڭعى جىلدارى ەكى ەل اراسىنداعى ساياسي ديالوگ پەن جان-جاقتى ىقپالداستىقتى كەڭەيتۋگە باعىتتالعان ءبىراز يگى ءىس-ارەكەتتەر جاسالۋدا. وسى تۇستا، استانا قالاسىندا كيپر رەسپۋبليكاسىنىڭ ەلشىلىگىن اشۋ باستاماسىن جوعارى باعالايمىز. ديپلوماتيالىق ميسسيانىڭ اشىلۋىنا قازاقستان ۇكىمەتى تولىقتاي قولداۋ كورسەتۋگە دايىن،- دەدى م. نۇرتىلەۋ.

мид рк
Фото: Солтан Жексенбеков/ Kazinform

ونىڭ ايتۋىنشا، ساياسي بايلانىستاردى جاڭا بەلەستەرگە شىعارۋ اياسىندا بيىك جانە جوعارى دەڭگەيدە ساپارلارمەن الماسۋ وتە ماڭىزدى.

- كونستانتينوس كومبوس مىرزامەن مازمۇندى ءارى ناتيجەلى كەلىسسوزدەر وتكىزدىك. ەكىجاقتى ىنتىماقتاستىقتىڭ پەرسپەكتيۆالىق باعىتتارىن جۇيەلى سارالاپ، ەكونوميكالىق بايلانىستار ءورىسىن كەڭەيتۋگە دەگەن ورتاق نيەتىمىزدى راستادىق. اسىرەسە، وزىق تەحنولوگيالار، اۋىل شارۋاشىلىعى، تۋريزم، كولىك، لوگيستيكا سياقتى ماڭىزدى سالالارعا ايرىقشا نازار اۋدارىلدى. ەكىجاقتى قاتىناستاردىڭ ءتۇپ وزەگى - ينۆەستيتسيالىق قارىم-قاتىناستار دا نازاردان تىس قالعان جوق. اتاپ ايتساق، سوڭعى 20 جىلدا قازاقستان ەكونوميكاسىنا كيپردەن 4 ميلليارد دوللاردان استام تىكەلەي ينۆەستيتسيا تارتىلدى. ءوز كەزەگىندە ەلىمىزدەن كيپرگە سالىنعان ينۆەستيتسيالار 1,4 ميلليارد دوللاردى قۇرادى. قازىرگى تاڭدا قازاقستان اۋماعىندا كيپر كاپيتالىنىڭ قاتىسۋىمەن 326 كومپانيا جۇمىس اتقارۋدا، - دەدى مۇرات نۇرتىلەۋ.

كيپر رەسپۋبليكاسى سىرتقى ىستەر ءمينيسترى كونستانتينوس كومبوس ءوز كەزەگىندە دوستىق ءىلتيپات تانىتىپ، قازاقستانعا العاشقى رەسمي ساپار جاساۋعا مۇمكىندىك جاساعان ق ر پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋگە ريزاشىلىعىن ءبىلدىردى. سونداي- اق، الداعى ۋاقىتتا ەكى ەل اراسىنداعى ساياسي، ەكونوميكالىق قارىم- قاتىناس نىعايا تۇسەتىنىنە سەنىم ءبىلدىردى.

سوڭعى جاڭالىقتار