«مەنىڭ اتىم قوجاداعى» جاناردىڭ ءرولىن تەاتردا سومداعان اكتريسا قايتىس بولدى
استانا. قازاقپارات - ق ر ەڭبەك سىڭىرگەن ءارتيسى، ەرەن ەڭبەگى ءۇشىن جانە ەڭبەك ارداگەرى مەدالدەرىنىڭ يەگەرى قاجىعاليەۆا كۇلاش سوپقان قىزى ومىردەن ءوتتى.
بۇل تۋرالى عابيت مۇسىرەپوۆ تەاترىنىڭ باسپا ءسوز قىزمەتى حابارلادى.
«ق ر ەڭبەك سىڭىرگەن ءارتيسى، ەرەن ەڭبەگى ءۇشىن جانە ەڭبەك ارداگەرى مەدالدەرىنىڭ يەگەرى، تەاترىمىزدىڭ ءارتيسى قاجىعاليەۆا كۇلاش سوپقان قىزى ومىردەن ءوتتى. 1969 -جىلدان باستاپ تىنباي ەڭبەك ەتىپ، جەمىستى جۇمىس جاساعان ارتيست ب. سوقپاقبايەۆ «مەنىڭ اتىم قوجا» - جانار، «قىزىل سۇڭقارلار» - مارۋار، يران-عايىپ «قورقىتتىڭ كورى» - قامقا شەشە، ش. ايتماتوۆ «ىستىقكول تراگەدياسى» - كەمپىر، «اق كەمە» - كەمپىر، س. بالعابايەۆ «قىز جيىرماعا تولعاندا» - عاني، ءا. تارازي «جاقسى كىسى» - بالزيا، و. بوكەي «اتاۋ-كەرە» - مارفا، «اۋىلدان كەلگەن ارۋ» - ساندىگۇل، س. بالعابايەۆ «ەڭ العاشقى جاڭا جىل» - اجە، ا. پ. چەحوۆ «شاعالا» - پولينا اندرەيەۆنا جانە ت. ب. رولدەردى ءساتتى سومداعان. ونەردىڭ اڭىز، تەاترىمىزدىڭ ابىز اناسىنان ايىرىلۋ ورنى تولماس ۇلكەن قايعى. وتباسى مەن تۋىستارىنا قايعىرا كوڭىل ايتامىز»، - دەلىنگەن قازانامادا.
ايتا كەتەيىك، اكتريسانىڭ جانازاسى 13-قىركۇيەك ساعات 10:00-دە روزىباكيەۆ كوشەسى، 70-ءۇي، 26-پاتەردە وتەدى. قوناقاسى 13.09.24 ساعات 13:00-دە ارۋ-انا مەيرامحاناسى، تولە ءبي كوشەسى، 191-دە بولادى.
Massaget.kz
