مەملەكەتتىك قىزمەتشىلەر نەلىكتەن تەرگەۋ يزولياتورلارىنا تۇراقتى ەكسكۋرسياعا بارادى
استانا. KAZINFORM - سىبايلاس جەمقورلىققا قارسى ءىس-قيمىل اگەنتتىگى مەملەكەتتىك قىزمەتشىلەر ءۇشىن تەرگەۋ يزولياتورىنا تۇراقتى ەكسكۋرسيا ۇيىمداستىرۋ سەبەبىن ءتۇسىندىرىلدى.
«اگەنتتىك سىبايلاس جەمقورلىق فاكتىلەردىڭ الدىن الۋ ماقساتىندا مەملەكەتتىك قىزمەتشىلەر ءۇشىن تەرگەۋ يزولياتورلارىندا تۇراقتى تۇردە ەكسكۋرسيا وتكىزەدى. ونىڭ بارىسىندا قاتىسۋشىلارعا تەرگەۋ كابينەتتەرى، قىلمىسكەرلەرگە ارنالعان كامەرالار، تۇتقىنداردىڭ سەرۋەندەۋگە ارنالعان ورنى كورسەتىلەدى»، - دەدى اگەنتتىكتىڭ رەسمي وكىلى ارمان تىلەۋكەنوۆ ۆەدومستۆودا وتكەن بريفينگىدە.
رەسمي وكىل ايتقانداي، ءىس-شارانىڭ ماقساتى - مەملەكەتتىك قىزمەتشىلەر، كۆازيمەملەكەتتىك سەكتور قىزمەتكەرلەرى اراسىندا سىبايلاس جەمقورلىققا قارسى كۇرەس ادەبىن قالىپتاستىرۋ.
«تۇرمەگە ەكسكۋرسيا جاساۋ ارقىلى مەملەكەتتىك قىزمەتشىلەرگە باس بوستاندىعىنان ايىرۋ مەكەمەلەرىندە بولۋدىڭ اۋىرتپالىعىن سەزىنۋگە، سىبايلاس جەمقورلىق جانە وزگە دە قىلمىستىق قۇقىق بۇزۋشىلىقتار جاساۋ سالدارىمەن تانىسۋعا مۇمكىندىك بەرۋ. سونىمەن قاتار پروفيلاكتيكالىق ءىس-شارا اياسىندا سوت وتىرىستارىنا ەڭبەك ۇجىمدارى دا قاتىسادى»، - دەيدى ول.
