مەملەكەتتىك قىزمەتشىلەر مەن اسكەريلەردىڭ ءباس تىگۋىنە تىيىم سالىنادى
استانا. KAZINFORM - بۋكمەكەرلىك كەڭسەلەردە ءباس تىگۋ كەزىندە قاتىسۋشىلاردىڭ بەينە- بيومەتريكالىق يدەنتيفيكاتسيادان ءوتۋى مىندەتتەلەدى. بۇل تۋرالى ءماجىلىستىڭ جالپى وتىرىسىندا ويىن بيزنەسى تۋرالى زاڭ جوباسىن تالقىلاۋ كەزىندە دەپۋتات ەلنۇر بەيسەنبايەۆ ايتتى.
«سونىمەن قاتار، زاڭ جوباسىندا بۋكمەكەرلىك كەڭسەلەردە ءباس تىگۋ، اقشا الۋ جانە تولەۋ كەزىندە قاتىسۋشىلاردى بەينە-بيومەتريكالىق يدەنتيفيكاتسيادان وتكىزۋ مىندەتتەلەدى. ويىن بيزنەسى ۇيىمداستىرۋشىلارىنىڭ ءۇشىنشى تۇلعالاردىڭ بانكتىك كارتوچكالارىنا تولەم قابىلداۋىنا شەكتەۋ قويۋ ماسەلەسى قاراستىرىلعان. مەملەكەتتىك قىزمەتشىلەردىڭ، قۇقىق قورعاۋ جانە اسكەري قىزمەتكەرلەردىڭ ءباس تىگۋىنە تىيىم سالۋ ەسكەرىلگەن. شامامەن 220 مىڭعا جۋىق قىزمەتكەردىڭ قۇمار ويىن ويناۋى شەكتەلەدى»، - دەدى ە. بەيسەنبايەۆ.
ونىڭ ايتۋىنشا، ءوز-ءوزىن قۇمار ويىننان شەكتەۋدى 1 جىلدان 10 جىلعا دەيىن سوزۋ قاراستىرىلعان.
ياعني ەگوۆ-موبايل قوسىمشاسى ارقىلى شەكتەي الادى. بۇل شەكتەۋدى قايتىپ قالپىنا كەلتىرە المايسىز.
