مەملەكەتتىك ءتىلدى بىلمەگەندەرگە سالىناتىن ايىپپۇل ەكى ەسە وسەدى
استانا. KAZINFORM - مەملەكەتتىك ءتىل تۋرالى جاڭا زاڭ جوباسى تالاپ ەتىلەتىن دەڭگەيدە مەملەكەتتىك ءتىلدى مەڭگەرمەگەندەرگە قاتىستى جازا مەن ايىپپۇلداردى كۇشەيتۋدى كوزدەيدى، دەپ حابارلايدى ازەرتادج.
ازىرگە ايىپپۇل تەك كەيبىر ازاماتتارعا عانا سالىنعان، سەبەبى ايىپپۇل سومالارى ونداعان جىل بويى وزگەرمەي قالىپ، ال ورتاشا ەڭبەكاقى ءتورت ەسەگە وسكەن.
ەستونيانىڭ ERR مەملەكەتتىك تەلەراديو پورتالىنا سىلتەمە جاساپ حابارلاعانداي، ءتىل تۋرالى زاڭ تالاپ ەتىلەتىن دەڭگەيدە مەملەكەتتىك ءتىلدى مەڭگەرمەگەن ادامعا ايىپپۇل سالۋعا مۇمكىندىك بەرەدى. ايىپپۇل مولشەرى ەستون كروناسى ەنگىزىلگەن كەزدە بەلگىلەنگەن، ءال دال سونداي ايىپپۇل ەستون تىلىندە سويلەي الاتىن، ءبىراق ءتىلدى تالاپ ەتىلگەن دەڭگەيدە مەڭگەرمەگەن ساتۋشىعا دا، ەستون ءتىلىن ماڭىزدى دەپ سانامايتىن دۇكەندەر جەلىسىنە دە قولدانىلۋى مۇمكىن.
- ءتىل تۋرالى زاڭ جوباسىنىڭ باستى ماقساتى ءتىل تالاپتارىنىڭ ساقتالۋىنا باقىلاۋدى كۇشەيتۋ. ايىپپۇل سوماسىن كوبەيتۋ دە وسىعان باعىتتالعان. قاتاڭداتىلعان شارالار ادامداردى ەستون تىلىندە سويلەۋگە كوبىرەك كۇش سالۋعا ءماجبۇر ەتەدى دەپ كۇتىلۋدە، - دەدى ءبىلىم مينيسترلىگىنىڭ ءتىل ساياساتى ءبولىمىنىڭ كەڭەسشىسى كياتلين كىۆەريك.
جەكە تۇلعالار ءۇشىن ايىپپۇل قازىرگى 640 ەۋرودان 1280 ەۋروعا دەيىن، ال كومپانيالار ءۇشىن 9600 ەۋروعا دەيىن وسەدى.
ايتا كەتەلىك مەملەكەتتىك ءتىل ساياساتىن ىسكە اسىرۋ جونىندەگى كوميسسيانىڭ بيىلعى جوسپارى بەكىتىلگەن ەدى.
