مەملەكەتتەن قولداۋ كورىپ وتىرعان كاسىپكەرلەر ءوندىرىس كولەمىن ۇلعايتۋى ءتيىس

аграрные поля ауыл шаруашылығы алқаптары
Фото: Максат Шагырбаев/Kazinform

استانا. KAZINFORM - اۋىل شارۋاشىلىعى مينيسترلىگى وسىمدىك شارۋاشىلىعى ءونىمىنىڭ ونىمدىلىگى مەن ساپاسىن ارتتىرۋدى سۋبسيديالاۋ ەرەجەلەرىنە وزگەرىستەر ەنگىزىلگەنىن حابارلادى.

وزگەرىستەر ا و ك جالپى ءونىمىنىڭ كولەمىن اقشالاي تۇردە ۇلعايتۋعا باعىتتالعان قارسى مىندەتتەمەلەردى ەنگىزۋ جولىمەن اۋىل شارۋاشىلىعىن سۋبسيديالاۋدىڭ تيىمدىلىگىن ايقىنداۋدى كوزدەيدى.

«بۇل ءوز ونىمدەرىنىڭ ونىمدىلىگى مەن ساپاسىن ارتتىرۋ ءۇشىن سۋبسيديا الاتىن اۋىلشارۋاشىلىق ونىمدەرىن وندىرۋشىلەر ەندى ءوندىرىس كولەمىن ۇلعايتۋ جانە ساقتاۋ بويىنشا بەلگىلى ءبىر مىندەتتەمەلەردى ورىنداۋى كەرەك دەگەندى بىلدىرەدى. ولاردىڭ تيىمدىلىگى وندىرىلگەن ءونىمنىڭ اقشالاي قۇنى بويىنشا باعالانادى»، - دەلىنگەن حابارلامادا.

مىندەتتەمەلەردىڭ ورىندالۋى تۋرالى اقپارات سۋبسيديالاۋدىڭ مەملەكەتتىك اقپاراتتىق جۇيەسىندە تىركەلەتىن بولادى. ەگەر ءوندىرۋشى ءوز مىندەتتەمەلەرىن ەكى جىل قاتارىنان ورىنداي الماسا، وندا ول سۋبسيديا الۋ قۇقىعىنان ايىرىلادى.

قارسى مىندەتتەمەلەردى ەنگىزۋ الدىندا پيلوتتىق جوبا ىسكە اسىرىلاتىن بولادى، ونىڭ شەڭبەرىندە اگروونەركاسىپتىك كەشەن سۋبەكتىلەرى وسىمدىك شارۋاشىلىعى سالاسىندا سۋبسيديالار الۋ ءۇشىن بەلگىلى ءبىر تالاپتاردى ورىنداۋعا مىندەتتەنەدى.

سوڭعى جاڭالىقتار