مەملەكەت ەشكىمدى باسپاناسىز، دالادا قالدىرمايدى - ۇكىمەت باسشىسى
اقتوبە. KAZINFORM - اقتوبە وبلىسىندا قازاقستان پرەمەر- ءمينيسترى ولجاس بەكتەنوۆتىڭ توراعالىعىمەن سەلەكتورلىك رەجيمدە وڭىرلىك شتاب باسشىلارىنىڭ قاتىسۋىمەن سۋ تاسقىنىنا قارسى ءىس-شارالاردى ۇيلەستىرۋ جانە سۋ تاسقىنىنىڭ سالدارىن جويۋ جونىندەگى رەسپۋبليكالىق شتابتىڭ وتىرىسى ءوتتى.
بۇگىنگى تاڭدا ەلىمىزدە سۋ تاسقىنىنا بايلانىستى كۇردەلى احۋال قالىپتاسىپ وتىر. توعىز وڭىردە جەرگىلىكتى اۋقىمداعى ت ج رەجيمى جاريالاندى (اباي، اقمولا، اقتوبە، اتىراۋ، بقو، قاراعاندى، قوستاناي، پاۆلودار، ۇلىتاۋ). سۋ تاسقىنى باستالعاننان بەرى سۋ باسقان ايماقتاردان بارلىعى 19 مىڭنان استام ادام ەۆاكۋاتسيالاندى.
شتاب باسشىسىنىڭ ورىنباسارى قانات بوزىمبايەۆتىڭ ەسەبى تىڭدالدى. بولجامعا سايكەس، جاقىن ارادا بۇكىل ەل بويىنشا جاۋىن-شاشىن بولىپ، كۇن كۇرت جىلىنادى دەپ كۇتىلۋدە. قاردىڭ تەز ەرۋىنەن سۋ قويمالارى تولۋدا. بۇگىنگى تاڭدا سولتۇستىك، شىعىس جانە ورتالىق ايماقتاردىڭ %65 دان استامى ءالى كۇنگە دەيىن قالىڭ قار استىندا. سوندىقتان الداعى ۋاقىتتا سۋ تاسقىنى قاۋپى بار وڭىرلەردە الدىن الۋ شارالارى كۇشەيتىلدى، ت ج م- ءنىڭ قاجەتتى كۇشتەرى مەن قۇرالدارى دايىندالدى.
قارجى ءمينيسترى ءمادي تاكيەۆ مەملەكەت باسشىسىنىڭ تاپسىرمالارىن ىسكە اسىرۋ اياسىندا سۋ تاسقىنى سالدارىنان شارۋاشىلىق قىزمەتى بۇزىلعان جەكە كاسىپكەرلەر مەن شاعىن جانە ورتا بيزنەس سۋبەكتىلەرىنىڭ بارلىعىنا بەرىلگەن وتىنىشىنە ساي نەسيەلەر بويىنشا تولەمدەردى كەيىنگە قالدىرۋ ۇسىنىلاتىنىن باياندادى. سونداي-اق قارجى مينيسترلىگى سۋ تاسقىنىنان زارداپ شەككەن بيزنەس سۋبەكتىلەرى ءۇشىن سالىق ەسەپتىلىگىن تاپسىرۋ جانە سالىقتاردى تولەۋدى كەيىنگە قالدىرۋدى ۇسىنادى.
سونىمەن قاتار وتىرىسقا بيزنەس- قوعامداستىق وكىلدەرى قاتىسىپ، سۋ تاسقىنىنان زارداپ شەككەن ينفراقۇرىلىمدى قالپىنا كەلتىرۋگە مەملەكەتكە جاردەمدەسۋگە دايىن ەكەندەرىن مالىمدەدى.
ءوز كەزەگىندە ولجاس بەكتەنوۆ بارلىق وڭىردە اكىمدىكتەردىڭ ءوتىنىشى بويىنشا سۋ تاسقىنىنا قارسى جۇمىستارعا قاجەتتى تەحنيكا مەن ماتەريالداردى تەگىن بەرگەن قۇرىلىس كومپانيالارىنا، جول جوندەيتىن ۇيىمدارعا ۇكىمەتتىڭ اتىنان العىس ايتتى.
وتىرىس قورىتىندىسى بويىنشا پرەمەر- مينيستر جوندەۋگە جارامدى تۇرعىن ۇيلەر مەن ينفراقۇرىلىمنىڭ ساپاسىنا ەرەكشە نازار اۋدارۋ قاجەت ەكەنىن اتاپ ءوتتى.
«مەملەكەت باسشىسىنىڭ تاپسىرماسى بويىنشا سۋ باسقان ۇيلەردىڭ بارلىعى قۇجاتتاردىڭ بار-جوعىنا قاراماستان، قالپىنا كەلتىرىلەتىن بولادى. مەملەكەت ەشكىمدى باسپاناسىز، دالادا قالدىرمايدى. وسىنداي قيىن جاعدايدا ءىرى، ورتا بيزنەس، سونداي- اق كىشىگىرىم كومپانيالار جانە ەلدىڭ تاعدىرىنا بەي- جاي قارامايتىن قاراپايىم ازاماتتار قول ۇشىن سوزىپ جاتىر. بيۋدجەت قاراجاتىنا قوسىمشا تۇرعىن ۇيلەردى قالپىنا كەلتىرۋگە، جوعالعان مۇلىك پەن مال شىعىنىن وتەۋگە باعىتتالاتىن قوماقتى سوما جينالدى. مەردىگەر كومپانيالار وسىنداي قيىن جاعدايدى بيزنەسكە اينالدىرمايدى جانە بارلىق قاراجات ماقساتتى تۇردە جۇمسالادى دەپ سەنەمىن»، - دەدى شتاب جەتەكشىسى.
فەرمەرلەر مەن اۋىل شارۋاشىلىعى جانۋارلارىنىڭ يەلەرىنە ەرەكشە نازار اۋدارىلدى. 33 مىڭنان استام مال باسى قاۋىپسىز جەرلەرگە كوشىرىلدى. وعان قوسا مالدىڭ ءولىم- ءجىتىمى بار. اۋىل شارۋاشىلىعى مينيسترلىگى شىعىندى وتەۋ ماسەلەسىن شەشۋدە.
«ۇكىمەت فەرمەرلەر مەن مال يەلەرىنە نەسيەلەر مەن ليزينگتىك مىندەتتەمەلەردى كەيىنگە شەگەرۋ بويىنشا قولداۋ كورسەتەتىن بولادى. تولەمدەر كەشىكتىرىلگەن جاعدايدا ايىپپۇل سالىنبايدى»، - دەدى پرەمەر-مينيستر.
سونىمەن قاتار شتاب وتىرىسىندا تاسقىن كەزەڭىنە الدىن الا دايىندالعان وڭىرلەردىڭ بار ەكەنى، سوندىقتان سۋ تاسقىنىنىڭ سالدارى سونشالىقتى جويقىن بولماعانى اتاپ ءوتىلدى. ماسەلەن، قاراعاندى وبلىسىندا اۋقىمدى سۋدىڭ كولەمىنە قاراماستان، ەلدى مەكەندەردى جاپپاي سۋ الىپ كەتكەن جوق. 6-7 جىل بۇرىن اۋىلداردىڭ اينالاسىندا بوگەتتەر سالىنىپ، سۋدى بۇراتىن ارىقتار قازىلعان. مۇنىڭ بارلىعى - ۋاقتىلى قابىلدانعان قاراپايىم شەشىمدەر. ول ءوز تيىمدىلىگىن دالەلدەدى.
سوندىقتان ءاربىر ەلدى مەكەن بويىنشا وسى جىلدىڭ كۇزىنە دەيىن جويقىن سۋ تاسقىنىنىڭ الدىن الۋ ءۇشىن قاجەتتى شارالاردى قابىلداۋ تاپسىرىلدى. اكىمدەردىڭ ەسەپتەرى ۇكىمەت وتىرىستارىندا تۇراقتى تۇردە تىڭدالاتىن بولادى.
سونىمەن قاتار وبلىس اكىمدىگىندە ولجاس بەكتەنوۆ احۋالدىق ورتالىققا باردى. احۋالدىق ورتالىقتىڭ وپەراتورلارى - «109» قىسقا ءنومىرى بويىنشا تاۋلىك بويى جۇمىس ىستەيتىن Call-ورتالىق ارقىلى حالىقپەن بايلانىستا. 109 احۋالدىق ورتالىعىنا سۋ تاسقىنىنا قارسى ءىس- قيمىل باستالعاننان بەرى 15 مىڭنان استام قوڭىراۋ ءتۇستى. 12293 ءوتىنىم تىركەلدى. احۋالدىق ورتالىق كۇشەيتىلگەن رەجيمدە جۇمىس ىستەپ جاتىر، وعان ت ج جانە سۋ تاسقىنىنا قارسى شتاب قىزمەتتەرى قوسىلعان.
