مەملەكەت بىردە-ءبىر ادامدى ەسكەرۋسىز قالدىرمايدى - قاسىم-جومارت توقايەۆ
استانا. KAZINFORM - مەملەكەت باسشىسى تاسقىن سۋدان زارداپ شەككەن ازاماتتارعا ۇندەۋ جولداپ، مەملەكەت بىردە-ءبىر ادامدى ەسكەرۋسىز قالدىرمايتىنىن ايتتى.
«بارشاڭىزعا قارجىلىق جانە باسقا دا كومەك بەرىلەدى. ماتەريالدىق شىعىندار تولىق وتەلەدى» - دەدى پرەزيدەنت.
مەملەكەت باسشىسى سونداي-اق الاپات سۋ تاسقىنىنان ءتيىستى قورىتىندى شىعارۋ كەرەكتىگىن ءسوز ەتتى.
«جىبەرىلگەن ولقىلىقتاردى تۇزەتىپ، ءتيىستى ساباق الۋىمىز قاجەت. ال ونداي ساباقتار از ەمەس. اپاتتاردىڭ الدىن الۋ جۇمىسىنداعى كەمشىلىكتەن باستاپ، سۋ شارۋاشىلىعى ماماندارىنىڭ تاپشى بولۋى، تابيعاتقا نەمقۇرايلى قاراۋعا دەيىن كوپ ماسەلەنى رەتتەۋ قاجەت. ۇكىمەت جانە جەرگىلىكتى اتقارۋشى ورگاندار سۋ تاسقىنىمەن كۇرەستى ءتيىمدى ۇيلەستىرىپ وتىرۋعا ءتيىس. سۋ باسقان اۋماقتاردا قۇقىقتىق ءتارتىپتى قامتاماسىز ەتۋ قاجەت» - دەدى ۇندەۋىندە.
