مەملەكەت باسشىسىنىڭ تاپسىرماسىمەن العاشقى ۇلتتىق مەكتەپتىڭ قۇرىلىسى باستالدى
استانا. KAZINFORM - بۇل جوبا قازاقستاننىڭ تالانتتى بالالارى ءۇشىن بىرەگەي ءبىلىم بەرۋ ورتاسىن قۇرۋعا باعىتتالعان. الماتى قالاسىنا جۇمىس ساپارى بارىسىندا وقۋ-اعارتۋ ءمينيسترى عاني بەيسەمبايەۆ مەكتەپ قۇرىلىسىمەن تانىستى.
مەكتەپ 900 وقۋشى ورنىنا ارنالعان جانە مۇندا بالالارعا ارنالعان ينتەرنات، وقىتۋشىلار ءۇيى، كىتاپحانا، سپورت كەشەنى قاراستىرىلعان. ول بيىلعى جىلى اشىلادى دەپ جوسپارلانىپ وتىر.
جاڭا ءبىلىم بەرۋ ۇيىمىنىڭ كونتسەپتسياسى اباي فيلوسوفياسىنا، ونىڭ ىشىندە «بەس اسىل ءىس» يدەياسىنا نەگىزدەلگەن.
- ABAI ULTTYQ MEKTEBI» - ءنىڭ قۇرىلۋى - وتاندىق ءبىلىم بەرۋدى دامىتۋداعى ەڭ ماڭىزدى ستراتەگيالىق قادامداردىڭ ءبىرى، ول ءوزىنىڭ شىققان تەگىن جاقسى بىلەتىن، بىرنەشە ءتىلدى مەڭگەرگەن جانە جاھاندىق سىن- قاتەرلەرگە توتەپ بەرە الاتىن زيالىلاردىڭ جاڭا بۋىنىن تاربيەلەۋگە باعىتتالادى، - دەپ اتاپ ءوتتى مينيستر.
جوبانى جۇزەگە اسىرۋداعى ماڭىزدى قادام - «ABAY- Programme» ءبىرتۇتاس ءبىلىم بەرۋ باعدارلاماسىنىڭ ازىرلەنۋى بولىپ تابىلادى. ول كوپ ءتىلدى، زيالى جانە ۇلتتىق سيپاتتاعى تۇلعانى قالىپتاستىرۋعا نەگىزدەلگەن. مەكتەپ سونداي-اق ەلىمىزدىڭ جەتەكشى پەداگوگيكالىق جوعارى وقۋ ورنى - اباي اتىنداعى قازاق ۇلتتىق پەداگوگيكالىق ۋنيۆەرسيتەتىمەن سەرىكتەستىك ورناتادى. ىنتىماقتاستىق اياسىندا «اباي زەرتحاناسى» قۇرىلىپ، ول گۋمانيتارلىق ءبىلىم سالاسىنداعى ادىستەمەلىك جانە عىلىمي زەرتتەۋلەر ورتالىعىنا اينالادى.
ايتا كەتەلىك الماتى وبلىسىندا جەر سىلكىنىسىنەن زاقىمدانعان مەكتەپ جوندەلىپ جاتقانى تۋرالى جازعان ەدىك.
