مەملەكەت باسشىسىنىڭ IV ۇلتتىق قۇرىلتايدا كوتەرگەن ماسەلەلەرى قالاي جۇزەگە اسىرىلىپ جاتىر
ۇلىتاۋ. KAZINFORM - بۇگىن ق ر پرەزيدەنتىنىڭ كەڭەسشىسى مالىك وتاربايەۆتىڭ قاتىسۋىمەن وتكەن اكتيۆ وتىرىسىندا IV ۇلتتىق قۇرىلتايدا بەرگەن تاپسىرمالاردى ورىنداۋ جانە ايماقتىڭ الەۋمەتتىك-ەكونوميكالىق دامۋ ماسەلەلەرى تالقىلاندى.
جيىنعا ۇلىتاۋ وبلىسىنىڭ اكىمى داستان رىسپەكوۆ، وبلىستىق ءماسليحاتتىڭ ءتوراعاسى باۋىرجان شىڭعىسوۆ، اكىمنىڭ ورىنباسارلارى جانە ءماسليحات دەپۋتاتتارى قاتىستى.
پرەزيدەنت كەڭەسشىسى مالىك وتاربايەۆ:
- ۇلىتاۋ وبلىسىنا كەلۋدەگى ماقساتىم - ۇلتتىق قۇرىلتايدا مەملەكەت باسشىسىنىڭ باعدارلامالىق بايانداماسى تۋرالى وزدەرىڭىزبەن پىكىر الماسۋ. ەل پرەزيدەنتىنىڭ باعدارلامالىق بايانداماسى - مەملەكەتتىك ماڭىزى بار قۇجات. قۇرىلتايدا وتە وزەكتى ماسەلەلەردىڭ كوتەرىلگەنىن جاقسى بىلەسىزدەر. سول ماسەلەلەردىڭ تۇبەگەيلى شەشىلۋىندە پرەزيدەنت ءتيىستى تاپسىرمالار بەرەدى. بيىل بۋرابايدا وتكەن قۇرىلتايدا 53 ماسەلە كوتەرىلىپ، 53 تارماقتان تۇراتىن مەملەكەتتىك ماڭىزى بار قۇجات قابىلداندى. ەل پرەزيدەنتى قۇرىلتايدا كوتەرگەن ەڭ باستى ماسەلە - زاڭ مەن ءتارتىپ. زاڭ مەن تارتىپكە باعىنۋ مادەنيەتىن قالىپتاستىرۋ - مەملەكەتتىڭ الدىندا تۇرعان ەڭ ۇلكەن مىندەت، - دەدى.
وبلىس اكىمىنىڭ ورىنباسارى جانىبەك ءنوپىروۆ ءوڭىردىڭ الەۋمەتتىك-ەكونوميكالىق جاعدايى تۋرالى مالىمدەدى.
- ۇلىتاۋ وبلىسى بويىنشا جالپى وڭىرلىك ءونىم ءوسىمى - %7,7 دى، جان باسىنا شاققاندا - 10,8 ميلليون تەڭگەنى قۇرايدى. بۇل ەلدەگى ەڭ جوعارى كورسەتكىشتەردىڭ ءبىرى. سونىمەن قاتار، 2024-جىلى وبلىس بويىنشا جالپى سوماسى 34 ميلليارد تەڭگەنى قۇرايتىن 9 ينۆەستيتسيالىق جوبا ىسكە قوسىلسا، بيىل 138 ميلليارد تەڭگە سوماسىنا 17 ينۆەستيتسيالىق جوبانى ىسكە اسىرۋ جوسپارلانعان، - دەدى جانىبەك ءنوپىروۆ.
مالىك نۇرجان ۇلى سونىمەن قاتار وبلىس ورتالىعىنداعى سپورت نىساندارىن ارالاپ، قۇقىق قورعاۋ ورگاندارىنىڭ وكىلدەرى، ەتنومادەني بىرلەستىكتەر جەتەكشىلەرى، الەۋمەتتىك سالا قىزمەتكەرلەرى، وبلىستىڭ يمامدارىمەن كەزدەستى.
كەزدەسۋدە قوعامداعى وزەكتى ماسەلەلەر تۋرالى پىكىر الماستى.
