07:26, 06 - قاراشا 2024 | GMT +6
مەملەكەت باسشىسىنىڭ فرانسياعا ساپارى اياقتالدى
پاريج. KAZINFORM - پرەزيدەنت قاسىم-جومارت توقايەۆتىڭ فرانسياعا مەملەكەتتىك ساپارى اياقتالدى، دەپ حابارلايدى اقوردا.
ورلي اۋەجايىندا قازاقستان پرەزيدەنتىن رەسمي شىعارىپ سالۋ ءراسىمى ءوتتى.
ۇشۋ الاڭىندا قۇرمەت قاراۋىلى ساپ تۇزەپ، ەكى ەلدىڭ ءانۇراندارى شىرقالدى.
مەملەكەت باسشىسىن فرانسيانىڭ قارۋلى كۇشتەر ءمينيسترى سەباستيان لەكورنيۋ مەن باسقا دا لاۋازىمدى تۇلعالار شىعارىپ سالدى.
ايتا كەتەيىك، بۇعان دەيىن پرەزيدەنتتىڭ فرانسيا رەسپۋبليكاسىنا مەملەكەتتىك ساپارمەن بارعانىن جازعانبىز.
قازاقستان مەن فرانسيا پرەزيدەنتتەرى بىرلەسكەن دەكلاراتسيا قابىلدادى.
سونىمەن قاتار ەممانيۋەل ماكرون قازاقستان پرەزيدەنتىنىڭ فرانتسياعا ساپارى تۋرالى جازبا جاريالادى.
پرەزيدەنت فرانسياعا ساپارى تۋرالى «ىستىق ىقىلاسقا ەرەكشە ءتانتى بولدىم» دەپ جازدى.
