مەملەكەت باسشىسى يران پرەزيدەنتىنە قۇتتىقتاۋ جەدەلحاتىن جولدادى
استانا. KAZINFORM - قاسىم-جومارت توقايەۆ قازاقستان حالقىنىڭ جانە جەكە ءوزىنىڭ اتىنان يبراحيم رايسي مەن يراندىقتاردى ءتول مەرەكەسى - يسلام ريەۆوليۋتسياسى كۇنىمەن قۇتتىقتادى، دەپ حابارلايدى اقوردانىڭ باسپا ءسوز قىزمەتى.
- بۇگىندە يران ساياسي تۇعىرى بەرىك، ەكونوميكاسى تۇراقتى دامىعان حالىقارالىق قاۋىمداستىقتىڭ بەدەلدى مۇشەسى. ۇلت بىرلىگى مەن ىنتىماعىن تۋ ەتكەن مەملەكەتىڭىز ءسىزدىڭ باسشىلىعىڭىزبەن الداعى ۋاقىتتا دا يگى ماقسات-مۇراتتارعا جەتە بەرۋىنە تىلەكتەسپىن. يران - ءبىزدىڭ كاسپيي ايماعىنداعى ماڭىزدى سەرىكتەسىمىزدىڭ ءبىرى. وسىعان وراي ءداستۇرلى دوستىق پەن مازمۇندى ساياسي ديالوگقا نەگىزدەلگەن ىقپالداستىعىمىز ءوزارا ءتيىمدى ساۋدا-ەكونوميكالىق جانە مادەني- گۋمانيتارلىق ىنتىماقتاستىعىمىزدى نىعايتۋعا بەرىك ارقاۋ بولا بەرەتىنىنە كامىل سەنەمىن، - دەپ جازىلعان جەدەلحاتتا.
قاسىم-جومارت توقايەۆ يبراحيم ءرايسيدىڭ جاۋاپتى قىزمەتىنە تولاعاي تابىس، ال دوستاس يران حالقىنا قۇت-بەرەكە تىلەدى.
