مەملەكەت باسشىسى ياكوب شتاۋسحولمدى قابىلدادى

مەملەكەت باسشىسى Rio Tinto كومپانياسىنىڭ باس اتقارۋشى ديرەكتورى ياكوب شتاۋسحولمدى قابىلدادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

كەزدەسۋ بارىسىندا گەولوگيالىق بارلاۋ، تاۋ-كەن جانە مەتاللۋرگيا ونەركاسىبىندە بىرلەسكەن ينۆەستيتسيالىق جوبالاردى ىسكە اسىرۋ ماسەلەلەرى تالقىلاندى.

قاسىم-جومارت توقايەۆقا Rio Tinto كومپانياسىنىڭ ەلىمىزدەگى قىزمەتىنىڭ اياسىن كەڭەيتۋ جوسپارى جونىندە مالىمەت بەرىلدى.

ياكوب شتاۋسحولم قوستاناي جانە قاراعاندى وبلىستارىنداعى مىس كەن ورىندارىنا گەولوگيالىق بارلاۋ جۇرگىزۋ جوباسىنىڭ جۇزەگە اسىرىلۋ بارىسى تۋرالى باياندادى.

مەملەكەت باسشىسى جوعارى تەحنولوگيالاردى دامىتۋ ءۇشىن بۇگىندە سۇرانىسقا يە ماڭىزدى مينەرالدار مەن شيكىزاتتىڭ ەلىمىزدە مول قورى بار ەكەنىن اتاپ ءوتتى. قازاقستان گەولوگيالىق بارلاۋ جۇمىستارىنىڭ اۋقىمىن ۇلعايتۋ، جاڭا كەن ورىندارىن اشۋدى جەڭىلدەتەتىن ۇزدىك الەمدىك تاجىريبەلەردى ەنگىزۋ ءۇشىن شارالار قابىلداپ جاتىر.

Rio Tinto - نارىقتاعى قۇنى 99 ميلليارد دوللاردى قۇرايتىن، تاۋ-كەن ءوندىرىسى جانە مەتاللۋرگيا سالاسىنداعى ءىرى اعىلشىندىق-اۆستراليالىق كومپانيا. نەگىزگى اكتيۆتەرى اۆستراليادا (%35)، كانادادا (%34)، ەۆروپادا (%13) جانە ا ق ش- تا (%11) شوعىرلانعان.

Rio Tinto كومپانياسى تەمىر رۋداسىن، اليۋميني، مىس، بوكسيت، الماز، ۋران جانە ونەركاسىپكە قاجەتتى باسقا دا مينەرالدار وندىرۋمەن اينالىسادى.