15:11, 31 - مامىر 2024 | GMT +5
مەملەكەت باسشىسى رەسەي پرەزيدەنتى ۆلاديمير پۋتينمەن تەلەفون ارقىلى سويلەستى
استانا. KAZINFORM - پرەزيدەنت قاسىم-جومارت توقايەۆ ۆلاديمير پۋتينمەن تەلەفون ارقىلى سويلەستى. بۇل تۋرالى اقوردانىڭ باسپا ءسوز قىزمەتى حابارلادى.
اڭگىمەلەسۋ بارىسىندا تاراپتار قازاقستان-رەسەي ىنتىماقتاستىعىنىڭ قازىرگى جاي- كۇيى مەن پەرسپەكتيۆالارىن تالقىلاپ، قارىم-قاتىناستاردىڭ ستراتەگيالىق سەرىكتەستىك جانە وداقتاستىق رۋحىندا دامىپ كەلە جاتقانىن اتاپ ءوتتى.
مەملەكەتتەر باسشىلارى ەكى ەل ۇكىمەتتەرىنىڭ ساۋدا-ەكونوميكالىق، ينۆەستيتسيالىق، ونەركاسىپتىك جانە مادەني-گۋمانيتارلىق سالالاردا بۇعان دەيىن قول جەتكىزگەن ۋاعدالاستىقتاردى جۇزەگە اسىرۋ باعىتىنداعى ۇيلەسىمدى ءىس-قيمىلدارىن جوعارى باعالادى.
قاسىم- جومارت توقايەۆ پەن ۆلاديمير پۋتين حالىقارالىق كۇن تارتىبىندەگى وزەكتى ماسەلەلەر جونىندە پىكىر الماسىپ، الداعى كەزدەسۋلەردىڭ كەستەسىن پىسىقتادى.
