22:21, 30 - جەلتوقسان 2024 | GMT +5
مەملەكەت باسشىسى رەسپۋبليكالىق باسىلىمعا سۇحبات بەرەدى
استانا. قازاقپارات - 2025-جىلدىڭ 3-قاڭتار كۇنى «انا ءتىلى» گازەتىندە مەملەكەت باسشىسى قاسىم-جومارت توقايەۆتىڭ كەڭ كولەمدى سۇحباتى جارىق كورەدى.
بۇل تۋرالى ءوزىنىڭ Facebook پاراقشاسىندا ق ر پرەزيدەنتىنىڭ كەڭەسشىسى - پرەزيدەنتتىڭ باسپا ءسوز حاتشىسى بەرىك ءۋالي جازدى.
پرەزيدەنت سۇحباتتا ىشكى جانە سىرتقى ساياساتتاعى باستى وقيعالارعا باعاسىن بەرەدى. سونداي-اق ەلدىڭ بيىلعى ساياسي جانە الەۋمەتتىك-ەكونوميكالىق تۇرعىدان دامۋىن قورىتىندىلاپ، الداعى كەزەڭگە ارنالعان باسىم مىندەتتەردى ايقىندايدى.
وسىعان دەيىن ءبىرقاتار مەملەكەتتەردىڭ باسشىلارى قازاقستان پرەزيدەنتىن تاۋەلسىزدىك كۇنىمەن قۇتتىقتاعانىن جازدىق.
