18:14, 28 - قىركۇيەك 2023 | GMT +5
مەملەكەت باسشىسى گەرمانيا كانتسلەرى ولاف شولتسپەن كەزدەستى
گەرمانياعا رەسمي ساپارمەن بارعان قازاقستان پرەزيدەنتى فەدەرالدىق كانتسلەر ولاف شولتسپەن بەتپە-بەت فورماتىندا كەلىسسوز جۇرگىزدى، دەپ حابارلايدى اقوردانىڭ باسپا ءسوز قىزمەتى.

كەلىسسوز بارىسىندا تاراپتار ەكىجاقتى قاتىناستاردىڭ قارقىندى دامىپ كەلە جاتقانىن اتاپ ءوتىپ، قازاق-گەرمان بايلانىستارىن ودان ءارى كەشەندى تۇردە نىعايتۋعا ءوزارا مۇددەلى ەكەنىن راستادى.
ەكى ەل باسشىلارى ىنتىماقتاستىقتىڭ نەگىزگى باعىتتارىن ايقىنداپ، ساۋدا-ەكونوميكا، ينۆەستيتسيا، كولىك-لوگيستيكا، «جاسىل ەنەرگەتيكا» جانە باسقا دا سالالارداعى ىقپالداستىقتى جانداندىرۋعا ۋاعدالاستى.
پرەزيدەنت پەن كانتسلەر وڭىرلىك جانە حالىقارالىق وزەكتى ماسەلەلەر جونىندە پىكىر الماستى، سونداي-اق جوعارى دەڭگەيدە وتەتىن «ورتالىق ازيا - گەرمانيا» كەزدەسۋىنىڭ كۇن ءتارتىبىن تالقىلادى.