مەملەكەت باسشىسى «قازپوشتا» ا ق باسقارما ءتوراعاسىن قابىلدادى

Глава государства поручил увеличить логистический потенциал АО «Казпочта»
Фото: Акорда

 استانا. KAZINFORM - مەملەكەت باسشىسى قاسىم-جومارت توقايەۆ «قازپوشتا» اق باسقارما ءتوراعاسى اسەل جاناسوۆانى قابىلدادى، دەپ حابارلايدى اقوردانىڭ باسپا ءسوز قىزمەتى.

پرەزيدەنتكە «قازپوشتا» اكسيونەرلىك قوعامىنىڭ بىلتىر اتقارعان قىزمەتىنىڭ ناتيجەسى جانە كومپانيانىڭ قازىرگى قارجىلىق جاعدايى جونىندە مالىمەت بەرىلدى. اسەل جاناسوۆانىڭ ايتۋىنشا، كومپانيا سوڭعى 5 جىلدا العاش رەت 2,4 ميلليارد تەڭگە كولەمىندە پايدا تاۋىپ، اكتسيونەرگە 1,5 ميلليارد تەڭگە ديۆيدەند تولەگەن. سالىق اۋدارىمدارى مەن باج الىمدارىنىڭ جالپى كولەمى 32,7 ميلليارد تەڭگەنى قۇرادى.

قاسىم- جومارت توقايەۆقا بىلتىر «قازپوشتا» ارقىلى جەتكىزىلەتىن سالەمدەمەلەردىڭ سانى 35 پايىزعا كوبەيىپ، ولاردى ەل اۋماعىندا جەتكىزۋ جىلدامداعى ەكى ەسە ارتقانى تۋرالى باياندالدى.

مەملەكەت باسشىسىنا «قازپوشتا» اكسيونەرلىك قوعامى مەن YTO Express Group كومپانياسى اراسىندا سەرىكتەستىك قاتىناس ورناعانى جايىندا ايتىلدى.

«قازپوشتا» الماتىدا اۋدانى شامامەن 40 مىڭ شارشى مەتر بولاتىن «ا» ساناتىنداعى جوعارى تەحنولوگيالىق قويما سالۋعا نيەتتى. نىسان ەۋرازيا كەڭىستىگىندە نەگىزگى ترانزيت تورابىنا اينالۋعا ءتيىس ءارى قىتايدان ەۋرووداق، ەۋرازيالىق ەكونوميكالىق وداق جانە ورتالىق ازيا باعىتتارى بويىنشا قازاقستاننىڭ جۇك وتكىزۋ الەۋەتىن ارتتىرۋعا ىقپال ەتەدى.

سونىمەن قاتار پرەزيدەنتكە وتاندىق كومپانيانىڭ ەل اۋماعىنداعى ينفراقۇرىلىمى مەن بولىمشەلەر جەلىسىنىڭ قازىرگى جاي- كۇيى تانىستىرىلدى.

كەزدەسۋ سوڭىندا قاسىم-جومارت توقايەۆ «قازپوشتا» اكسيونەرلىك قوعامىنىڭ قارجىلىق جاعدايىن جاقسارتۋ جانە لوگيستيكالىق الەۋەتىن ارتتىرۋ جۇمىستارىن جالعاستىرۋدى تاپسىردى.

سوڭعى جاڭالىقتار