مەملەكەت باسشىسى QazSwimAcademy سپورت ورتالىعىنىڭ جۇمىسىمەن تانىستى
استانا. KAZINFORM - قاسىم-جومارت توقايەۆ استانا قالاسىنداعى زاماناۋي QazSwimAcademy سپورت ورتالىعىنا باردى، دەپ حابارلايدى اقوردانىڭ باسپا ءسوز قىزمەتى.
ورتالىق ديرەكتورىنىڭ ايتۋىنشا، بىرەگەي كەشەندە سپورتشىلاردى دايارلاۋعا قاجەتتى بارلىق جاعداي جاسالعان. ەرەسەكتەر مەن بالالار ۇزىندىعى ءارتۇرلى بەس باسسەيندە جاتتىعا الادى. ونىڭ ءبىرى 50 مەترلىك بولسا، ەكەۋى 25 مەترلىك جانە ەكەۋى 10 مەترلىك ءجۇزۋ جولاقتارى بار باسسەيندەر. توپتىق جاتتىعۋلار 25 باعىت بويىنشا جۇرگىزىلەدى. سونىمەن قاتار مۇندا كاسىبي جاتتىعۋ زالى دا بار.
اكادەميانى جوعارى تەحنولوگيالىق ۇلگىدە جابدىقتاۋعا باسا نازار اۋدارىلعان. باسسەيندەرگە سۋدىڭ قۇرامى مەن رەاگەنتتەردىڭ مولشەرىنە اۆتوماتتى تۇردە تالداۋ جۇرگىزەتىن ءارى ءتيىمدى زالالسىزداندىرۋ مەن قاۋىپسىزدىكتىڭ جوعارى دەڭگەيىن قامتاماسىز ەتەتىن يسپاندىق قوندىرعى قويىلعان.
بۇدان بولەك، نىسان جۇزۋگە قاجەتتى ماشىقتاردى شىڭداپ، بۇلشىق ەتتەردى شيراتاتىن ارناۋلى جاتتىعۋ قۇرالدارىمەن جابدىقتالعان.
پرەزيدەنت جاس سپورتشىلارمەن اڭگىمەلەسىپ، مەملەكەت سپورت ينفراقۇرىلىمدارىن دامىتۋعا ەرەكشە ءمان بەرەتىنىن ايتتى.
- كەلەشەكتە تابىستى بولۋلارىڭىزعا جانە وليمپيادا چەمپيونى اتانۋلارىڭىزعا تىلەكتەسپىن. سپورتتىڭ دەنساۋلىقتى جاقسارتۋدا، سونداي-اق حالىقارالىق جارىستاردا ەلىمىزدىڭ داڭقىن شىعارۋدا ماڭىزى وتە زور. سىزدەردىڭ جەڭىمپاز سپورتشى ءارى ەلىمىزدىڭ لايىقتى ازاماتى بولاتىندارىڭىزعا سەنەمىن، - دەدى قاسىم-جومارت توقايەۆ.
وسىعان دەيىن مەملەكەت باسشىسى KIS Astana حالىقارالىق مەكتەبىن ارالاپ كوردى.
