مەملەكەت باسشىسى «قازمۇنايگاز» ا ق باسقارما ءتوراعاسى اسحات حاسەنوۆتى قابىلدادى
استانا. KAZINFORM - مەملەكەت باسشىسى «قازمۇنايگاز» ۇ ك» ا ق باسقارما ءتوراعاسى اسحات حاسەنوۆتى قابىلدادى، دەپ حابارلايدى اقوردانىڭ باسپا ءسوز قىزمەتى.
پرەزيدەنتكە ۇلتتىق كومپانيانىڭ بىلتىر اتقارعان جۇمىسى جونىندە ەسەپ بەرىلدى.
اسحات حاسەنوۆتىڭ ايتۋىنشا، «قازمۇنايگاز» كومپانيالار توبى وتكەن جىلى مۇناي جانە كوندەنسات ءوندىرۋ كولەمىن 23,8 ميلليون تونناعا جەتكىزدى. بۇل - 2023 -جىلعى كورسەتكىشپەن سالىستىرعاندا 1,3 پايىزعا ارتىق. مۇناي ءوندىرۋ دەڭگەيىن ساقتاپ تۇرۋ ءۇشىن تەحنولوگيالىق سىن-قاتەرلەر باعدارلاماسى ىسكە اسىرىلىپ جاتىر. جوبا ءاربىر كەن ورنىنداعى مۇناي ءوندىرۋ كولەمىن ارتتىرۋدا سارالانعان ادىستەردى قولدانۋدى قاراستىرادى.
قاسىم-جومارت توقايەۆقا قالامقاس- تەڭىز جوباسىن جوبالاۋ باستالعانى جونىندە باياندالدى. ونىڭ قۇنى قۇنى 6,4 ميلليارد دوللاردى قۇرايدى. بىلتىر تورعاي پالەوزوي، قاراتون پودسوليەۆوي، قاراجار جانە تايسويعان ۇڭعىمالارىندا بۇرعىلاۋ جۇمىستارى باستالدى. ولاردىڭ مۇناي قورى 800 ميلليون توننادان اسادى.
مەملەكەت باسشىسىنا بىلتىر مۇناي تاسىمالداۋ كولەمى 2023 -جىلمەن سالىستىرعاندا 4 پايىزعا ارتىپ، 83,6 ميلليون توننانى قۇراعانى جايىندا ايتىلدى.
2024 -جىلى وتاندىق مۇناي وڭدەۋ زاۋىتتارىندا 17,44 ميلليون توننا مۇناي وڭدەلدى. ىشكى نارىقتى قامتاماسىز ەتۋ ءۇشىن جەڭىل مۇناي ونىمدەرى ءوندىرىسىن 2023 -جىلمەن سالىستىرعاندا 370 مىڭ تونناعا ۇلعايتۋ شارالارى قابىلداندى.
«قازمۇنايگاز» ۇ ك» ا ق باسقارما ءتوراعاسىنىڭ ايتۋىنشا، «CASPI BITUM» جاۋاپكەرشىلىگى شەكتەۋلى سەرىكتەستىگىندە بيتۋم ءوندىرىسىن جىلىنا 750 مىڭ تونناعا دەيىن ارتتىرۋ بويىنشا جوبا قولعا الىندى. پوليەتيلەن وندىرەتىن زاۋىتتىڭ قۇرىلىس جۇمىستارى باستالدى. قۇنى 7,4 ميلليارد دوللارعا باعالانعان كاسىپورىن جىلىنا 1 ميلليون 250 مىڭ توننا ءونىم شىعارا الادى.
ماڭعىستاۋ وبلىسىندا سۋ تۇشىتۋ زاۋىتى سالىنىپ جاتىر. بۇل كاسىپورىن جاڭاوزەن قالاسىنىڭ تۇرعىندارىن ساپالى اۋىز سۋمەن قامتاماسىز ەتەدى. سونداي-اق قۋاتى 247 مۆ ت بولاتىن گيبريدتى ەلەكتر ستانتسياسىنىڭ قۇرىلىسى جۇرگىزىلۋدە.
بۇدان بولەك، قاسىم-جومارت توقايەۆقا وڭىرلەردەگى الەۋمەتتىك جوبالاردى ىسكە اسىرۋ تۋرالى دا باياندالدى.
كەزدەسۋ سوڭىندا پرەزيدەنت گەولوگيالىق بارلاۋ جۇرگىزۋگە، ءىرى ينۆەستيتسيالىق جوبالاردى جۇزەگە اسىرۋعا جانە مۇناي- گاز حيمياسىن دامىتۋعا قاتىستى جۇمىستى جۇيەلى جالعاستىرۋدى تاپسىردى.
وسىعان دەيىن 2025 -جىلى مۇناي باعامى قالاي قۇبىلادى، دەپ تاقىرىپتا ساراپتاما جاريالاعان ەدىك.
